جاڭا كونستيتۋتسييانىڭ نەگٸزگٸ قاعيداتتارى, ۇلتتىق قۇندىلىقتار مەن ەربٸر ازاماتتىڭ جەكە جاۋاپكەرشٸلٸگٸ ٶزارا قالاي بايلانىستى? سونداي-اق جاڭا جولداۋدا كٶتەرٸلگەن نەگٸزگٸ مٸندەتتەردٸڭ مەنٸ نەدە? بۇل مەسەلەلەر الماتى قالاسى ٸشكٸ ساياسات باسقارماسىنىڭ قوعامدىق دامۋ ورتالىعى ۇيىمداستىرعان اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ ستۋدەنتتەرٸمەن ٶتكەن كەزدەسۋدٸڭ نەگٸزگٸ تاقىرىبىنا اينالدى.
ەكٸنشٸ كۋرس ستۋدەنتتەرٸنە ارنالعان دەرٸستٸ الماتى قالاسى قوعامدىق دامۋ ورتالىعىنىڭ باسشىسى ايدار ەسەنبەكوۆ ٶتكٸزدٸ. كەزدەسۋ بارىسىندا جاڭا كونستيتۋتسييانىڭ نەگٸزگٸ قاعيداتتارى, 2026 جىلعى جولداۋدىڭ باسىم باعىتتارى, جالپىۇلتتىق قۇندىلىقتار جەنە ولاردىڭ قازٸرگٸ قوعامداعى ماڭىزى تالقىلاندى.
دەرٸس بارىسىندا كونستيتۋتسييالىق دامۋ, ازاماتتىق جاۋاپكەرشٸلٸك جەنە ۇلتتىق بٸرەگەيلٸكتٸ نىعايتۋ مەسەلەلەرٸنە نازار اۋدارىلدى. ەسٸرەسە كونستيتۋتسييادا بەكٸتٸلگەن «زاڭ جەنە تەرتٸپ» قاعيداتىنىڭ مەنٸ, ونىڭ قۇقىقتىق مەدەنيەتتٸ قالىپتاستىرۋداعى جەنە قوعامدىق نورمالاردى قۇرمەتتەۋدەگٸ رٶلٸ كەڭٸنەن تٷسٸندٸرٸلدٸ.
«كونستيتۋتسييا – مەملەكەتتٸڭ نەگٸزگٸ زاڭى عانا ەمەس, سونىمەن قاتار ادام, قوعام جەنە مەملەكەت اراسىنداعى قارىم-قاتىناستى ايقىندايتىن ماڭىزدى باعدار. ونىڭ قاعيداتتارى ەربٸر ازاماتتىڭ كٷندەلٸكتٸ ٶمٸرٸنٸڭ اجىراماس بٶلٸگٸنە اينالعاندا عانا ناقتى مەنگە يە بولادى. جاستاردىڭ مٸندەتٸ – ۇلتتىق قۇندىلىقتاردى ساقتاپ قانا قويماي, ولاردى بٸلٸمگە ۇمتىلۋ, جاۋاپكەرشٸلٸك, زاڭدى قۇرمەتتەۋ جەنە بەلسەندٸ ازاماتتىق ۇستانىم ارقىلى زاماناۋي مازمۇنمەن تولىقتىرۋ», – دەپ اتاپ ٶتتٸ ايدار ەسەنبەكوۆ.
كەزدەسۋدٸڭ جەكە بٶلٸمٸ «تازا قازاقستان» جەنە «ادال ازامات» جالپىۇلتتىق باستامالارىنا ارنالدى. ستۋدەنتتەرگە ەكولوگييالىق جاۋاپكەرشٸلٸك, ادالدىق, اينالاداعى ادامدارعا قۇرمەتپەن قاراۋ جەنە قوعامدىق ىنتىماقتاستىق قازٸرگٸ زامانعى ازامات مەدەنيەتٸنٸڭ ماڭىزدى قۇرامداس بٶلٸكتەرٸ ەكەنٸ تٷسٸندٸرٸلدٸ.
سونداي-اق ۇلى ويشىل اباي قۇنانبايۇلىنىڭ رۋحاني مۇراسىنا ەرەكشە نازار اۋدارىلدى. قاتىسۋشىلار شاڭىراقتىڭ ۇلتتىق بٸرلٸك پەن ۇرپاقتار ساباقتاستىعىنىڭ سيمۆولى رەتٸندەگٸ مەنٸن, سونداي-اق ۇلى ويشىلدىڭ «قارا سٶزدەرٸندە» كٶرٸنٸس تاپقان يدەيالاردىڭ بٷگٸنگٸ قوعام ٷشٸن ٶزەكتٸلٸگٸن تالقىلادى. ادامگەرشٸلٸك, ەدٸلدٸك, بٸلٸمگە ۇمتىلۋ جەنە جاۋاپكەرشٸلٸك بٷگٸنگٸ كٷنٸ دە ماڭىزىن جوعالتپاعان قۇندىلىقتار رەتٸندە اتاپ ٶتٸلدٸ.
كەزدەسۋ سوڭىندا ستۋدەنتتەر ٶز پٸكٸرلەرٸن بٸلدٸرٸپ, سۇراقتارىن قويىپ, دەرٸس وقۋشىمەن وي بٶلٸستٸ.
مۇنداي كەزدەسۋلەر جاستاردىڭ كونستيتۋتسييالىق ساۋاتتىلىعىن ارتتىرۋعا, جالپىۇلتتىق قۇندىلىقتاردى دەرٸپتەۋگە جەنە بەلسەندٸ ازاماتتىق ۇستانىمىن قالىپتاستىرۋعا باعىتتالعان.
