Qazaqstandyq fýtbolshy Erkebulan Seidahmettiń «Jetisýmen» kelisimshart merzimi aiaqtalyp, ol «Qairatqa» qaita oraldy, dep habarlaidy "Ult aqparat" Sports.kz saityna silteme jasap.
Aita keteiik, 20 jastaǵy E.Seidahmet – shabýylshy. Onyń sońǵy maýsymdardaǵy statistikasy kóńil kónshiterlik emes. 2018 jyldyń aqpanynda ol sporttyq mansabynda alǵash ret sheteldik klýbqa - reseilik «Ýfaǵa» ótti. Alaida, Seidahmet onda 4 match qana dop tepti. Keiin bolgariialyq «Levski»-ge aýysty. Biraq onda da nátije aitarlyqtai bolmady: 3 matchta kózge túse almady.
Erkebulan «Qairatta» da asa erekshelenbegen edi: 15 matchta 1 gol jáne golmen aiaqtalǵan 3 pas.
Al «Jetisýda» ol 5 match oinady: onyń birde-birinde gol soqpady jáne dopty qaqpaǵa túsiretin pastar bermedi.
Qazirgi ýaqytta Transfermarkt.de portaly qazaqstandyq fýtbolshyny 250 myń eýroǵa baǵalaýda.
