قازاقستاندىق فۋتبولشى ەركەبۇلان سەيداحمەتتٸڭ «جەتٸسۋمەن» كەلٸسٸمشارت مەرزٸمٸ اياقتالىپ, ول «قايراتقا» قايتا ورالدى, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
ايتا كەتەيٸك, 20 جاستاعى ە.سەيداحمەت – شابۋىلشى. ونىڭ سوڭعى ماۋسىمدارداعى ستاتيستيكاسى كٶڭٸل كٶنشٸتەرلٸك ەمەس. 2018 جىلدىڭ اقپانىندا ول سپورتتىق مانسابىندا العاش رەت شەتەلدٸك كلۋبقا - رەسەيلٸك «ۋفاعا» ٶتتٸ. الايدا, سەيداحمەت وندا 4 ماتچ قانا دوپ تەپتٸ. كەيٸن بولگارييالىق «لەۆسكي»-گە اۋىستى. بٸراق وندا دا نەتيجە ايتارلىقتاي بولمادى: 3 ماتچتا كٶزگە تٷسە المادى.
ەركەبۇلان «قايراتتا» دا اسا ەرەكشەلەنبەگەن ەدٸ: 15 ماتچتا 1 گول جەنە گولمەن اياقتالعان 3 پاس.
ال «جەتٸسۋدا» ول 5 ماتچ وينادى: ونىڭ بٸردە-بٸرٸندە گول سوقپادى جەنە دوپتى قاقپاعا تٷسٸرەتٸن پاستار بەرمەدٸ.
قازٸرگٸ ۋاقىتتا Transfermarkt.de پورتالى قازاقستاندىق فۋتبولشىنى 250 مىڭ ەۋروعا باعالاۋدا.
