«Fýkýsima-1» atom elektr stantsiiasynyń zardap shekken úsh energobloktarynyń joǵary bóliginde radiatsiialyq belsendiligi asa joǵary aýmaq anyqtaldy. Bul týraly Atom energetikasyn baqylaý memlekettik komitetiniń sársenbi kúngi bekitilgen baiandamasynda aityldy, dep habarlaidy Kyodo agenttigi.
Baiandamada 2011 jyldyń naýryzyndaǵy apat kezinde tastalǵan tsezii izotropynyń onnan bir bóligi jinalyp qalǵandyǵy atap kórsetilgen.
Asa joǵary radiobelsendilik oshaqtary búlingen reaktorlardyń korpýsyn jaýyp turatyn úsh temirbeton qalpaq mańyndaǵy úsh energoblokta ornalasqan. Ol jerdegi sáýlelený dárejesi saǵatyna birneshe zivert bolǵandyqtan, adamdy nebári birneshe saǵat ishinde óltirip jiberýi múmkin. Sondai-aq bul jaǵdai atom stantsiiasyn bólshekteý jumysyn baiaýlatady.
2011 jyldyń naýryzynda «Fýkýsima-1» AES-te tsýnami saldarynan energojabdyqtaý jáne sýytý júieleri isten shyǵyp, úsh reaktorda iadrolyq otyn balqydy, sonyń saldarynan sýtek atylyp, atmosferaǵa radiatsiia tarady. Jaqyn mańdaǵy eldi mekender lastanyp, 165 myń adam evakýatsiialanǵan bolatyn. Qazirgi kúni bul aýdan aitarlyqtai tazartylǵan, turǵyndardyń kóp bóligi mekenine qaita oraldy.
Qazir AES-te taratý jumystary júrip jatyr, stantsiiany qalpyna keltirý úshin kem degende 40 jyl qajet.
