«فۋكۋسيما-1» اتوم ەلەكتر ستانتسيياسىنىڭ زارداپ شەككەن ٷش ەنەرگوبلوكتارىنىڭ جوعارى بٶلٸگٸندە رادياتسييالىق بەلسەندٸلٸگٸ اسا جوعارى اۋماق انىقتالدى. بۇل تۋرالى اتوم ەنەرگەتيكاسىن باقىلاۋ مەملەكەتتٸك كوميتەتٸنٸڭ سەرسەنبٸ كٷنگٸ بەكٸتٸلگەن بايانداماسىندا ايتىلدى, دەپ حابارلايدى كyodo اگەنتتٸگٸ.
باياندامادا 2011 جىلدىڭ ناۋرىزىنداعى اپات كەزٸندە تاستالعان تسەزيي يزوتروپىنىڭ وننان بٸر بٶلٸگٸ جينالىپ قالعاندىعى اتاپ كٶرسەتٸلگەن.
اسا جوعارى راديوبەلسەندٸلٸك وشاقتارى بٷلٸنگەن رەاكتورلاردىڭ كورپۋسىن جاۋىپ تۇراتىن ٷش تەمٸربەتون قالپاق ماڭىنداعى ٷش ەنەرگوبلوكتا ورنالاسقان. ول جەردەگٸ سەۋلەلەنۋ دەرەجەسٸ ساعاتىنا بٸرنەشە زيۆەرت بولعاندىقتان, ادامدى نەبەرٸ بٸرنەشە ساعات ٸشٸندە ٶلتٸرٸپ جٸبەرۋٸ مٷمكٸن. سونداي-اق بۇل جاعداي اتوم ستانتسيياسىن بٶلشەكتەۋ جۇمىسىن باياۋلاتادى.
2011 جىلدىڭ ناۋرىزىندا «فۋكۋسيما-1» اەس-تە تسۋنامي سالدارىنان ەنەرگوجابدىقتاۋ جەنە سۋىتۋ جٷيەلەرٸ ٸستەن شىعىپ, ٷش رەاكتوردا يادرولىق وتىن بالقىدى, سونىڭ سالدارىنان سۋتەك اتىلىپ, اتموسفەراعا رادياتسييا تارادى. جاقىن ماڭداعى ەلدٸ مەكەندەر لاستانىپ, 165 مىڭ ادام ەۆاكۋاتسييالانعان بولاتىن. قازٸرگٸ كٷنٸ بۇل اۋدان ايتارلىقتاي تازارتىلعان, تۇرعىنداردىڭ كٶپ بٶلٸگٸ مەكەنٸنە قايتا ورالدى.
قازٸر اەس-تە تاراتۋ جۇمىستارى جٷرٸپ جاتىر, ستانتسييانى قالپىنا كەلتٸرۋ ٷشٸن كەم دەگەندە 40 جىل قاجەت.
