Foto: QR Mádeniet jáne aqparat ministrligi
Qoljazbalar jáne sirek kitaptar ulttyq ortalyǵy "Arhiv 2025" baǵdarlamasy aiasynda Frantsiiadan tabylǵan Qazaqstan tarihyna qatysty qundy qoljazbanyń kóshirmesin jariialady, dep habarlaidy "Ult aqparat" QR Mádeniet jáne aqparat ministrligine silteme jasap.
Frantsiia Ulttyq kitaphanasynda saqtalǵan "Tańdamaly shejireler" tarihi shyǵarmasy hijranyń 816 jyly, iaǵni 1413 jyly Shirazda jazylǵan. Iaǵni, bul shyǵarma XV ǵasyrǵa tán. Parsy tilinde arab jazýymen jazylǵan kitap 15 taqyryp boiynsha 15 taraýdan turady. Kitaptyń 413 beti bar.
Atap aitqanda, kitapta Aq Ordaǵa tolyq sipattama berilip, Aq Orda handarynyń biliginiń tolyq hronologiiasy qamtylǵan. Sondai-aq, Aq Orda bileýshileriniń aty-jóni, ákeleri men shesheleriniń aty-jóni jáne jerlengen jerleri týraly qundy keste berilgen.
Kitapta Altyn Ordanyń Kók jáne Aq Ordalarǵa ydyraý kezeńi sipattalǵan. Sonymen qatar Syǵanaqta Aq Ordanyń 10 bileýshisi jerlengeni týraly da aitylady.
Mýin ad Din Natanzi XIV ǵasyrdyń ekinshi jartysynda Isfahan mańyndaǵy Natanz aýylynda (Iranda) dúniege kelgen. Davlatshah Samarqandidiń «Tazkirat ash-shýaro» ("Aqyndardyń ómirbaiany") shyǵarmasyna sáikes, XV ǵasyrdyń basynda Mýin ad Din Natanzi Shirazda Myrza Iskander (Ámir Temirdiń nemeresi) saraiynda turdy jáne Haidar Horezmi, Hafiz Horezmi jáne t. b. siiaqty aqyndardyń zamandasy bolǵan.
