فوتو: قر مەدەنيەت جەنە اقپارات مينيسترلٸگٸ
قولجازبالار جەنە سيرەك كٸتاپتار ۇلتتىق ورتالىعى "ارحيۆ 2025" باعدارلاماسى اياسىندا فرانتسييادان تابىلعان قازاقستان تاريحىنا قاتىستى قۇندى قولجازبانىڭ كٶشٸرمەسٸن جارييالادى, دەپ حابارلايدى "ۇلت اقپارات" قر مەدەنيەت جەنە اقپارات مينيسترلٸگٸنە سٸلتەمە جاساپ.
فرانتسييا ۇلتتىق كٸتاپحاناسىندا ساقتالعان "تاڭدامالى شەجٸرەلەر" تاريحي شىعارماسى حيجرانىڭ 816 جىلى, ياعني 1413 جىلى شيرازدا جازىلعان. ياعني, بۇل شىعارما XV عاسىرعا تەن. پارسى تٸلٸندە اراب جازۋىمەن جازىلعان كٸتاپ 15 تاقىرىپ بويىنشا 15 تاراۋدان تۇرادى. كٸتاپتىڭ 413 بەتٸ بار.
اتاپ ايتقاندا, كٸتاپتا اق ورداعا تولىق سيپاتتاما بەرٸلٸپ, اق وردا حاندارىنىڭ بيلٸگٸنٸڭ تولىق حرونولوگيياسى قامتىلعان. سونداي-اق, اق وردا بيلەۋشٸلەرٸنٸڭ اتى-جٶنٸ, ەكەلەرٸ مەن شەشەلەرٸنٸڭ اتى-جٶنٸ جەنە جەرلەنگەن جەرلەرٸ تۋرالى قۇندى كەستە بەرٸلگەن.
كٸتاپتا التىن وردانىڭ كٶك جەنە اق وردالارعا ىدىراۋ كەزەڭٸ سيپاتتالعان. سونىمەن قاتار سىعاناقتا اق وردانىڭ 10 بيلەۋشٸسٸ جەرلەنگەنٸ تۋرالى دا ايتىلادى.
مۋين اد دين ناتانزي XIV عاسىردىڭ ەكٸنشٸ جارتىسىندا يسفاحان ماڭىنداعى ناتانز اۋىلىندا (يراندا) دٷنيەگە كەلگەن. داۆلاتشاح سامارقانديدٸڭ «تازكيرات اش-شۋارو» ("اقىنداردىڭ ٶمٸربايانى") شىعارماسىنا سەيكەس, XV عاسىردىڭ باسىندا مۋين اد دين ناتانزي شيرازدا مىرزا يسكاندەر (ەمٸر تەمٸردٸڭ نەمەرەسٸ) سارايىندا تۇردى جەنە حايدار حورەزمي, حافيز حورەزمي جەنە ت. ب. سيياقتى اقىنداردىڭ زامانداسى بولعان.
