Foto: © Depositphotos.com/lukasznowak
Forbes Kazakhstan nusqasy boiynsha elimizdegi eń iri 20 ranteniń ieliginde jalpy 71 kommertsiialyq jyljymaityn múlik nysany bar. Onyń ishinde 38-i — biznes-ortalyqtar (jalpy sanynyń 53,5%-y), al 33-i — saýda jáne saýda-oiyn-saýyq ortalyqtary (46,5%). Eń kóp nysan Almatyda shoǵyrlanǵan — 46 ǵimarat nemese 64,8%, Astanada — 23 (32,4%), al Shymkentte — 2 (2,82%). Bul týraly Ult.kz habarlaidy.
Barlyq esepke alynǵan nysandardyń jiyntyq kommertsiialyq aýdany, menshik ieleriniń úlesterin eskergende, 1,5 million sharshy metrdi quraidy. Onyń ishinde 1 089 myń sharshy metr (72,8%) — Almatyda, 375,4 myń sharshy metr (25,1%) — Astanada, jáne 31,4 myń sharshy metr (2,1%) — Shymkentte ornalasqan.
Sonymen qatar, saýda jáne oiyn-saýyq ortalyqtary jalpy 1 118,8 myń sharshy metrdi (74,8%) alyp jatsa, biznes-ortalyqtardyń úlesi 377 myń sharshy metr (25,2%) boldy.
Alǵashqy bes oryn:
1. Nurlan Smaǵulov — boljam boiynsha, jyldyq tabysy 60,68 mlrd teńge. Ol Astana men Almaty qalalaryndaǵy úsh MEGA saýda ortalyǵynyń iesi.
2. Timýr Qulybaev — 33,45 mlrd teńge. Onyń menshiginde Astanadaǵy St. Regis pen Emerald Tower biznes-ortalyqtary, KeruenCity, Keruen jáne Talan Gallery saýda ortalyqtaryndaǵy úlesteri bar. Sondai-aq Almatydaǵy Sputnik Mall, Moskva, Almaty Towers siiaqty kóptegen BTs jáne TTs-ge ielik etedi.
3. Serik Tólbasy — 29 mlrd teńge. Ol Astanadaǵy «Evraziia» SOO-nyń, Almatydaǵy Dostyk Plaza jáne Shymkenttegi Shymkent Plaza-nyń iesi.
4. Bolat Ótemuratov — 15,7 mlrd teńge. Astanada oǵan Talan Towers BO, al Almatyda Park View Office Tower, Prime Business Park jáne Pine Office Park BO-lary tiesili.
5. Muqashevter otbasy — 11,11 mlrd teńge. Olarǵa Almatydaǵy Aport Mall East jáne Aport Mall West saýda ortalyqtary tiesili.
