«Qazaqmys korporatsiiasy» JShS Basqarma tóraǵasy Rýslan Óskenáli Ulytaý oblysynda júzege asyrylyp jatqan áleýmettik jáne infraqurylymdyq jobalardyń barysymen tanysty. Negizgi nazar qoǵamdyq keńistikterdi abattandyrýǵa, sport jáne bilim berý infraqurylymyn damytýǵa, sondai-aq qurylys jumysynyń merzimi men sapasyna aýdaryldy.
Jumys sapary aiasynda barǵan nysandardyń biri – Jezqazǵan qalasyndaǵy Keńgir sý qoimasynyń jaǵalaýy boldy.
Joba Qazaqmystyń qarajaty esebinen júzege asyrylýda. Oǵan bólingen qarjy kólemi 3,4 mlrd teńgeni quraidy.
Jaǵalaýǵa jaqyn jerde oblystyq ortalyq meshittiń qurylysy aiaqtalýǵa jaqyn. Jumys tolyq aiaqtalǵannan keiin ainalasyndaǵy aýmaqtar serýendeýge, demalýǵa jáne bos ýaqytty ótkizýge arnalǵan birtutas qoǵamdyq keńistikke ainalady.
Basqarma tóraǵasy «NAMYS» akademiiasynyń aýmaǵynda salynyp jatqan ashyq sport alańymen de tanysty. Joba aiasynda fýtbol alańy men vorkaýt aimaǵyn jabdyqtaý kózdelgen.
Akademiiada kúres, kúshtik jattyǵýlar, sporttyq oiyndar men bi sabaǵyna arnalǵan zaldar, sondai-aq 150 oryndyq jataqhana bar. Munda sporttyq daiyndyqty jalpy bilim alýmen qatar alyp júrýge qajetti jaǵdai jasalǵan.
«Jastar» saiabaǵyn qaita jańǵyrtý jumysyna da erekshe nazar aýdaryldy. Jobanyń quny – 4,9 mlrd teńge. Saiabaq aýmaǵynda serýendeý jáne velosiped joldary, sýburqaq, zamanaýi balalar alańdary men kógaldandyrylǵan aimaqtar qarastyrylǵan. Jumysty 2026 jyldyń IV toqsanynda aiaqtaý josparlanǵan.
Jumys sapary barysynda S. Qojamqulov atyndaǵy Qazaq mýzykalyq-drama teatrynyń kúrdeli jóndeý jumysynyń barysy da qaraldy. Ǵimaratty jańartýǵa 5,1 mlrd teńge bólingen. Jumys 2027 jyldyń I toqsanynda aiaqtalýy tiis.
Sátbaev qalasynda Rýslan Óskenáli Kenshi dańqy alańyn abattandyrý jumysymen tanysty. Kenshilerdiń eńbek dástúrine arnalǵan qoǵamdyq keńistik quny 3,3 mlrd teńgeni quraityn joba aiasynda jańartylýda. Negizgi jumysty 2026 jyldyń IV toqsanynda aiaqtaý josparlanǵan. Al kógaldandyrý jumysy 2027 jyldyń II toqsanyna deiin jalǵasady.
Baǵdarlama aiasyndaǵy kelesi nysan – Ulytaý ýniversiteti. Munda negizgi oqý korpýsy men sport zalynyń qurylysy aiaqtalýǵa jaqyn. Sonymen qatar 140 oryndyq jataqhana salý jumysy jalǵasýda.
Ýniversitetti damytý óńir jastarynyń bilim alý múmkindigin keńeitýge jáne taý-ken óndirý men metallýrgiia salalaryn qosa alǵanda túrli baǵyttar boiynsha bilikti maman daiarlaýǵa baǵyttalǵan.
Ýniversitetke barǵan kezde «Qazaqmys» basshylyǵy aýmaqty kógaldandyrý jumysyna qatysyp, kóshet otyrǵyzdy.
Jumys saparynyń qorytyndysy boiynsha belgilengen merzimderdiń saqtalýyna, qurylys jumysynyń sapasyna jáne jobalardy odan ári iske asyrý barysyna erekshe nazar aýdaryldy.
Qazaqmys ózi jumys isteitin óńirlerdiń áleýmettik infraqurylymyn damytýǵa úles qosyp keledi. Jezqazǵan men Sátbaev turǵyndary úshin qolaily qalalyq orta qalyptastyrý, bilim alý, sportpen shuǵyldaný jáne demalý múmkindigin keńeitý – kompaniianyń basym baǵyttarynyń biri bola beredi.
