فوتو: © Depositphotos.com/lukasznowak
Forbes Kazakhstan نۇسقاسى بويىنشا ەلٸمٸزدەگٸ ەڭ ٸرٸ 20 رانتەنٸڭ يەلٸگٸندە جالپى 71 كوممەرتسييالىق جىلجىمايتىن مٷلٸك نىسانى بار. ونىڭ ٸشٸندە 38-ٸ — بيزنەس-ورتالىقتار (جالپى سانىنىڭ 53,5%-ى), ال 33-ٸ — ساۋدا جەنە ساۋدا-ويىن-ساۋىق ورتالىقتارى (46,5%). ەڭ كٶپ نىسان الماتىدا شوعىرلانعان — 46 عيمارات نەمەسە 64,8%, استانادا — 23 (32,4%), ال شىمكەنتتە — 2 (2,82%). بۇل تۋرالى Ult.kz حابارلايدى.
بارلىق ەسەپكە الىنعان نىسانداردىڭ جيىنتىق كوممەرتسييالىق اۋدانى, مەنشٸك يەلەرٸنٸڭ ٷلەستەرٸن ەسكەرگەندە, 1,5 ميلليون شارشى مەتردٸ قۇرايدى. ونىڭ ٸشٸندە 1 089 مىڭ شارشى مەتر (72,8%) — الماتىدا, 375,4 مىڭ شارشى مەتر (25,1%) — استانادا, جەنە 31,4 مىڭ شارشى مەتر (2,1%) — شىمكەنتتە ورنالاسقان.
سونىمەن قاتار, ساۋدا جەنە ويىن-ساۋىق ورتالىقتارى جالپى 1 118,8 مىڭ شارشى مەتردٸ (74,8%) الىپ جاتسا, بيزنەس-ورتالىقتاردىڭ ٷلەسٸ 377 مىڭ شارشى مەتر (25,2%) بولدى.
العاشقى بەس ورىن:
1. نۇرلان سماعۇلوۆ — بولجام بويىنشا, جىلدىق تابىسى 60,68 ملرد تەڭگە. ول استانا مەن الماتى قالالارىنداعى ٷش MEGA ساۋدا ورتالىعىنىڭ يەسٸ.
2. تيمۋر قۇلىباەۆ — 33,45 ملرد تەڭگە. ونىڭ مەنشٸگٸندە استاناداعى St. Regis پەن Emerald Tower بيزنەس-ورتالىقتارى, KeruenCity, Keruen جەنە Talan Gallery ساۋدا ورتالىقتارىنداعى ٷلەستەرٸ بار. سونداي-اق الماتىداعى Sputnik Mall, Moskva, Almaty Towers سيياقتى كٶپتەگەن بتس جەنە تتس-گە يەلٸك ەتەدٸ.
3. سەرٸك تٶلباسى — 29 ملرد تەڭگە. ول استاناداعى «ەۆرازييا» سوو-نىڭ, الماتىداعى Dostyk Plaza جەنە شىمكەنتتەگٸ Shymkent Plaza-نىڭ يەسٸ.
4. بولات ٶتەمۇراتوۆ — 15,7 ملرد تەڭگە. استانادا وعان Talan Towers بو, ال الماتىدا Park View Office Tower, Prime Business Park جەنە Pine Office Park بو-لارى تيەسٸلٸ.
5. مۇقاشەۆتەر وتباسى — 11,11 ملرد تەڭگە. ولارعا الماتىداعى Aport Mall East جەنە Aport Mall West ساۋدا ورتالىقتارى تيەسٸلٸ.
