قازاقستان پرەمەر-مينيسترٸ ولجاس بەكتەنوۆ IX Kazakhstan Global Investment Roundtable (جاھاندىق ينۆەستيتسييالار بويىنشا قازاقستاندىق دٶڭگەلەك ٷستەل) ٸس-شاراسىنا قاتىستى, دەپ حابارلايدى ult.kz.
بيىلعى ٸس-شارانىڭ شىمكەنت قالاسىندا ٶتۋٸ ەۋرازييانىڭ نەگٸزگٸ ساۋدا اعىندارى مەن باتىس ەۋروپا – باتىس قىتاي حالىقارالىق كٶلٸك دەلٸزٸنٸڭ توعىسىندا ورنالاسقان مەگاپوليستٸڭ قارقىندى دامۋىن كٶرسەتەدٸ.
پلەنارلىق وتىرىس باستالار الدىندا ولجاس بەكتەنوۆ شەتەلدٸك سەرٸكتەستەرمەن بٸرلەسٸپ جٷزەگە اسىرىلىپ جاتقان ٶڭدەۋ ٶنەركەسٸبٸن, اٶك, ەنەرگەتيكا جەنە باسقا دا سالالارداعى بٸرقاتار جوبامەن تانىستى.
KGIR-2026 الاڭىننا سىندارلى ديالوگ ورناتۋدى ماقسات ەتكەن 40-تان استام ەلدەن كەلگەن 500-دەن استام ينۆەستور مەن بيزنەس ٶكٸلٸ جينالدى.
پرەمەر-مينيستر جەتەكشٸ شەتەلدٸك كومپانييالار جاڭا جوبالارى ٷشٸن قازاقستاندى تاڭداۋدى جالعاستىرىپ جاتقانىن اتاپ ٶتتٸ. تابىستى جٷزەگە اسىرىلىپ جاتقان باستامالار وسىنىڭ ايقىن دەلەلٸ.
پلەنارلىق سەسسييا بارىسىندا شىمكەنت قالاسىنىڭ ەكٸمٸ عابيت سىزدىقبەكوۆ, The Boeing Company پرەزيدەنتٸ جەنە باس اتقارۋشى ديرەكتورى كەللي ورتبەرگ, يسلام دامۋ بانكٸنٸڭ پرەزيدەنتٸ, يسلام دامۋ بانكٸ توبىنىڭ تٶراعاسى مۋحامماد سۋلەيمان ال-دجاسسەر, Masdar باس اتقارۋشى ديرەكتورى موحامەد دجاميل ال-راماحي, Sarens Kazakhstan پرەزيدەنتٸ لۋدو انتون سارەنس, Lasselsberger Group باس اتقارۋشى ديرەكتورى يوزەف لاسسەلسبەرگەر سٶز سٶيلەدٸ.
شىمكەنتتە KGIR-2026 الاڭىندا جالپى سوماسى $4,8 ملرد بولاتىن 22 قۇجاتقا قول قويىلدى.
ولاردىڭ قاتارىندا كەلەسٸدەي ينۆەستيتسييالار تۋرالى كەلٸسٸمدەر:
قوستاناي وبلىسىندا $730 ملن سوماسىنا قۋاتى 1 000 مۆت بولاتىن, ەنەرگييا جيناقتاۋ جٷيەسٸ بار جەل ەلەكتر ستانساسىن سالۋ تۋرالى (قر ەنەرگەتيكا مينيسترلٸگٸ مەن «Turan Wind Energy» جشس اراسىندا);
$249,6 ملن سوماسىنا قازاقستاننىڭ اۆتوموبيل جولدارىندا ينتەللەكتۋالدى باقىلاۋ جٷيەسٸن (اجيبج) قۇرۋ تۋرالى (قر كٶلٸك مينيسترلٸگٸ مەن «Freedom Lab» جشس اراسىندا);
اقتٶبە قالاسىندا $150 ملن سوماسىنا شىنى ىدىس ٶندٸرەتٸن زاۋىت سالۋ تۋرالى (قر ٶنەركەسٸپ جەنە قۇرىلىس مينيسترلٸگٸ مەن Aktobe Steklo كومپانيياسى اراسىندا).
مەموراندۋمدار:
$1 ملرد سوماسىنا 20 ٶڭٸرلٸك ينكليۋزيۆتٸ مەكتەپتەن تۇراتىن جەلٸ سالۋ جوباسىن جٷزەگە اسىرۋ تۋرالى (قر وقۋ-اعارتۋ مينيسترلٸگٸ مەن «DSKZ & KAMC» جشس اراسىندا);
$1 ملرد سوماسىنا قۇرىق پورتىنىڭ دامۋىنىڭ بٸرٸنشٸ كەزەڭٸ اياسىندا كٶپفۋنكتسيونالدى تەرمينال سالۋ تۋرالى («بەيتەرەك» ۇلتتىق ينۆەستيتسييالىق حولدينگٸ» اق مەن Guoyou Materials Group Co., Ltd. اراسىندا);
$650 ملن سوماسىنا «قازاقستاننىڭ حالىقارالىق مەديتسينالىق قالاسى» ينۆەستيتسييالىق جوباسىن جٷزەگە اسىرۋ تۋرالى («KAZAKH INVEST» ۇك» اق مەن Shoval Kazakhstan Ltd. اراسىندا);
$500 ملن سوماسىنا دٶو القابىنىڭ اۋماعىندا قۋاتى 250 مۆت بولاتىن داتا-ورتالىق سالۋ تۋرالى (قر جاساندى ينتەللەكت جەنە تسيفرلىق دامۋ مينيسترلٸگٸ مەن Amsa Digital كومپانيياسى اراسىندا);
$111,1 ملن سوماسىنا ەت كلاستەرٸن قۇرۋ تۋرالى (تٷركٸستان وبلىسىنىڭ ەكٸمدٸگٸ مەن «Nurym Group» جشس اراسىندا);
استانادا $40,8 ملن سوماسىنا بريتاندىق بٸلٸم بەرۋ مودەلٸ بويىنشا جاتاقحاناسى بار ۋنيۆەرسيتەت كامپۋسىن سالۋ جەنە پايدالانۋ تۋرالى (قر عىلىم جەنە جوعارى بٸلٸم مينيسترلٸگٸ مەن Coventry University Kazakhstan اراسىندا);
$8,8 ملن سوماسىنا پوليپروپيلەن قاپتار مەن بيگ-بەگتەر ٶندٸرەتٸن زاۋىت سالۋ تۋرالى (قىزىلوردا وبلىسىنىڭ ەكٸمدٸگٸ مەن Apex Packaging كومپانيياسى اراسىندا) جەنە باسقا دا قۇجاتتار بار.
سونداي-اق شىمكەنت قالاسىنىڭ ەكٸمدٸگٸ مەن «KOKSAN» جشس اراسىندا $74,3 ملن سوماسىنا پەت-پرەفورمالار ٶندٸرەتٸن جەنە پلاستيكتٸ قايتا ٶڭدەيتٸن زاۋىت سالۋ جٶنٸندەگٸ نەگٸزدەمەلٸك كەلٸسٸمگە قول قويىلدى.
