Foto:elements.envato.com
Energetika ministri Bolat Aqsholaqov AES qurylysyna qatysty qazaqstandyqtardyń fobiiasyn túsinetinin aitty. Alaida ol stantsiia salýda aitarlyqtai qaýip joǵyna sendirdi, - dep habarlaidy Tengrinews.kz.
"Bizge stantsiia kerek, endi kómirdi burynǵydai kólemde paidalanýǵa bolmaidy. Ókinishke qarai, búginde kómir stantsiialaryn eshkim qarjylandyrmaidy. Gazǵa bailanysty jaǵdaidy ózderińiz jaqsy bilesizder. Ol kúnnen-kúnge azaiyp jatyr. Jańa ken oryndaryn ashpasaq, jańa ken oryndaryn igerýge aqsha jumsamasaq, bul jetkiliksiz bolady", - dep atap ótti ministr.
Onyń aitýynsha, atom stantsiiasy eldegi barlyq energetikalyq problemany sheshetin túiin emes, biraq ol - turaqty ári synalǵan energiia kózi.
"Iá, onyń keibir qarsy tustary bar, túrli fobiialar bar. Qazaqstanda bul máseleni jaqsy túsinýge bolady. Bul Keńes ókimeti kezinde bolǵan poligonǵa bailanysty (Semei iadrolyq synaq poligony - Esk.). Bul jaidan-jai emes shyǵar, biraq azamattyq energetika turǵysynan mundai úlken qaýip joq.
Qaýip árqashan ári kez kelgen jaǵdaida bolady. Sý ishseńiz de, birnárse bolyp qalýy múmkin degen qaýip bolady. Qaýipti igerip, durys oilastyrý kerek. Qazir osy máselemen ainalysamyz. Biraq taǵy da aitamyn, atom stantsiiasy - bolashaqtaǵy tapshylyq problemasyn sheshýdiń jaqsy nusqasy", - dep naqtylady Aqsholaqov.
