فوتو:elements.envato.com
ەنەرگەتيكا مينيسترٸ بولات اقشولاقوۆ اەس قۇرىلىسىنا قاتىستى قازاقستاندىقتاردىڭ فوبيياسىن تٷسٸنەتٸنٸن ايتتى. الايدا ول ستانتسييا سالۋدا ايتارلىقتاي قاۋٸپ جوعىنا سەندٸردٸ, - دەپ حابارلايدى Tengrinews.kz.
"بٸزگە ستانتسييا كەرەك, ەندٸ كٶمٸردٸ بۇرىنعىداي كٶلەمدە پايدالانۋعا بولمايدى. ٶكٸنٸشكە قاراي, بٷگٸندە كٶمٸر ستانتسييالارىن ەشكٸم قارجىلاندىرمايدى. گازعا بايلانىستى جاعدايدى ٶزدەرٸڭٸز جاقسى بٸلەسٸزدەر. ول كٷننەن-كٷنگە ازايىپ جاتىر. جاڭا كەن ورىندارىن اشپاساق, جاڭا كەن ورىندارىن يگەرۋگە اقشا جۇمساماساق, بۇل جەتكٸلٸكسٸز بولادى", - دەپ اتاپ ٶتتٸ مينيستر.
ونىڭ ايتۋىنشا, اتوم ستانتسيياسى ەلدەگٸ بارلىق ەنەرگەتيكالىق پروبلەمانى شەشەتٸن تٷيٸن ەمەس, بٸراق ول - تۇراقتى ەرٸ سىنالعان ەنەرگييا كٶزٸ.
"يە, ونىڭ كەيبٸر قارسى تۇستارى بار, تٷرلٸ فوبييالار بار. قازاقستاندا بۇل مەسەلەنٸ جاقسى تٷسٸنۋگە بولادى. بۇل كەڭەس ٶكٸمەتٸ كەزٸندە بولعان پوليگونعا بايلانىستى (سەمەي يادرولىق سىناق پوليگونى - ەسك.). بۇل جايدان-جاي ەمەس شىعار, بٸراق ازاماتتىق ەنەرگەتيكا تۇرعىسىنان مۇنداي ٷلكەن قاۋٸپ جوق.
قاۋٸپ ەرقاشان ەرٸ كەز كەلگەن جاعدايدا بولادى. سۋ ٸشسەڭٸز دە, بٸرنەرسە بولىپ قالۋى مٷمكٸن دەگەن قاۋٸپ بولادى. قاۋٸپتٸ يگەرٸپ, دۇرىس ويلاستىرۋ كەرەك. قازٸر وسى مەسەلەمەن اينالىسامىز. بٸراق تاعى دا ايتامىن, اتوم ستانتسيياسى - بولاشاقتاعى تاپشىلىق پروبلەماسىن شەشۋدٸڭ جاقسى نۇسقاسى", - دەپ ناقتىلادى اقشولاقوۆ.
