Qazaqstannyń birinshi loýkosteri FlyArystan kompaniiasy Almaty men Nur-Sultan qalalarynyń arasyndaǵy turaqty bailanysty 1 mamyrda ashady.
Qos qala arasyndaǵy kúndelikti áýe qatynasyn syiymdylyǵy 180 oryndyq, zamanaýi reaktivti Airbus A320 ushaqtary qamtamasyz etedi. Bir jaqqa bilet quny, áýejai alymdarymen qosa eseptegende 6999 teńgeden bastalady.
2 sáýirden bastap jolaýshylar biletti www.flyarystan.com saitynda brondaýmen qatar, borttyq taǵamǵa tapsyrys berý, joljúkti satyp alý, prioritetti otyrǵyzý syndy qyzmet túrlerin qosymsha ala alady.
«Atalmysh baǵdar, otandastarymyz asyǵa kútken reisterdiń biri bolatyny sózsiz. Budan bylai 2 saǵattan kem ýaqyt ishinde, nebári 6999 teńgege dittegen jerine kásipkerlermen qatar, qarapaiym stýdentter de ata-analaryna, týǵan-týysqandaryna tez, ári jeńil jete alatyny bizdi asa qýantady. Conymen qatar, keń-baitaq Qazaqstannyń soltústik pen ońtústik óńirlerin rahattanyp tamashalap, jergilikti týrizmniń damýyna yqpalyn tigizedi dep kámil senemiz», - deidi FlyArystan-nyń satý jáne marketing bóliminiń direktory Janar Jailaýova.
FlyArystan barsha jolaýshylarǵa flyarystan.com resmi saitta jariialanǵan tarif erejelerimen muqiiat tanysýǵa keńes beredi.
