قازاقستاننىڭ بٸرٸنشٸ لوۋكوستەرٸ FlyArystan كومپانيياسى الماتى مەن نۇر-سۇلتان قالالارىنىڭ اراسىنداعى تۇراقتى بايلانىستى 1 مامىردا اشادى.
قوس قالا اراسىنداعى كٷندەلٸكتٸ ەۋە قاتىناسىن سىيىمدىلىعى 180 ورىندىق, زاماناۋي رەاكتيۆتٸ Airbus A320 ۇشاقتارى قامتاماسىز ەتەدٸ. بٸر جاققا بيلەت قۇنى, ەۋەجاي الىمدارىمەن قوسا ەسەپتەگەندە 6999 تەڭگەدەن باستالادى.
2 سەۋٸردەن باستاپ جولاۋشىلار بيلەتتٸ www.flyarystan.com سايتىندا برونداۋمەن قاتار, بورتتىق تاعامعا تاپسىرىس بەرۋ, جولجٷكتٸ ساتىپ الۋ, پريوريتەتتٸ وتىرعىزۋ سىندى قىزمەت تٷرلەرٸن قوسىمشا الا الادى.
«اتالمىش باعدار, وتانداستارىمىز اسىعا كٷتكەن رەيستەردٸڭ بٸرٸ بولاتىنى سٶزسٸز. بۇدان بىلاي 2 ساعاتتان كەم ۋاقىت ٸشٸندە, نەبەرٸ 6999 تەڭگەگە دٸتتەگەن جەرٸنە كەسٸپكەرلەرمەن قاتار, قاراپايىم ستۋدەنتتەر دە اتا-انالارىنا, تۋعان-تۋىسقاندارىنا تەز, ەرٸ جەڭٸل جەتە الاتىنى بٸزدٸ اسا قۋانتادى. Cونىمەن قاتار, كەڭ-بايتاق قازاقستاننىڭ سولتٷستٸك پەن وڭتٷستٸك ٶڭٸرلەرٸن راحاتتانىپ تاماشالاپ, جەرگٸلٸكتٸ تۋريزمنٸڭ دامۋىنا ىقپالىن تيگٸزەدٸ دەپ كەمٸل سەنەمٸز», - دەيدٸ FlyArystan-نىڭ ساتۋ جەنە ماركەتينگ بٶلٸمٸنٸڭ ديرەكتورى جانار جايلاۋوۆا.
FlyArystan بارشا جولاۋشىلارعا flyarystan.com رەسمي سايتتا جارييالانعان تاريف ەرەجەلەرٸمەن مۇقييات تانىسۋعا كەڭەس بەرەدٸ.
