Ál-Farabi «Qaiyrymdy qala turǵyndary» atty eńbeginde qazirgi kúnde de ózektiligin joimaǵan máselelerdi kótergen. Bul týraly elordada ótken «Ál-Farabi jáne qazaqstandyq filosofiia» atty respýblikalyq forýmda aityldy, dep habarlaidy QazAqparat.
«Ǵylym men tehnika damyǵanyna qaramastan adamzat úshin qundylyǵy ózgermeitin uǵymdar bar. Sol qundylyqtardyń biri - bilim jáne tárbie máselesi. Ál-Farabi «Qaiyrymdy qala turǵyndary» eńbeginde qazirgi kúnde de ózektiligin joimaǵan máselelerdi aitqan. Bilim men tárbieni bóle-jara qaraýǵa bolmaidy. Osyndai sharalar diskýssiia alańy retinde ótkeni jaqsy, sebebi jas býyn men aǵa býyn arasynda qundylyqtar ártúrli bolýy múmkin», - deidi Bilim jáne ǵylym ministrligi «Orta bilimdi jańǵyrtý ortalyǵynyń» jetekshisi Sultan Jaiyq.
Forýmǵa elimizdiń túkpir-túkpirinen oqytýshylar kelgen.
«Bul - respýblikalyq deńgeide ótip jatqan ǵylymi forým. Sharada Pavlodar, Aqtóbe, Aqtaýdaǵy memlekettik ýniversitet mamandary men stýdentteriniń baiandamalary oqylýda. Bul agrarlyq baǵyttaǵy ýniversitet, biraq barlyq joǵary oqý oryndarynda jalpy bilim berý júiesi boiynsha 1-kýrs stýdentteri «Filosofiia» pánin oqidy. Filosofiia ál-Farabidi ainalyp óte almaityn ǵylym», - deidi S.Seifýllin atyndaǵy qazaq agrotehnikalyq ýniversitetiniń gýmanitarlyq fakýltetiniń dekany Bolat Aiapbergenov.
.jpeg)