ەل-فارابي «قايىرىمدى قالا تۇرعىندارى» اتتى ەڭبەگٸندە قازٸرگٸ كٷندە دە ٶزەكتٸلٸگٸن جويماعان مەسەلەلەردٸ كٶتەرگەن. بۇل تۋرالى ەلوردادا ٶتكەن «ەل-فارابي جەنە قازاقستاندىق فيلوسوفييا» اتتى رەسپۋبليكالىق فورۋمدا ايتىلدى, دەپ حابارلايدى قازاقپارات.
«عىلىم مەن تەحنيكا دامىعانىنا قاراماستان ادامزات ٷشٸن قۇندىلىعى ٶزگەرمەيتٸن ۇعىمدار بار. سول قۇندىلىقتاردىڭ بٸرٸ - بٸلٸم جەنە تەربيە مەسەلەسٸ. ەل-فارابي «قايىرىمدى قالا تۇرعىندارى» ەڭبەگٸندە قازٸرگٸ كٷندە دە ٶزەكتٸلٸگٸن جويماعان مەسەلەلەردٸ ايتقان. بٸلٸم مەن تەربيەنٸ بٶلە-جارا قاراۋعا بولمايدى. وسىنداي شارالار ديسكۋسسييا الاڭى رەتٸندە ٶتكەنٸ جاقسى, سەبەبٸ جاس بۋىن مەن اعا بۋىن اراسىندا قۇندىلىقتار ەرتٷرلٸ بولۋى مٷمكٸن», - دەيدٸ بٸلٸم جەنە عىلىم مينيسترلٸگٸ «ورتا بٸلٸمدٸ جاڭعىرتۋ ورتالىعىنىڭ» جەتەكشٸسٸ سۇلتان جايىق.
فورۋمعا ەلٸمٸزدٸڭ تٷكپٸر-تٷكپٸرٸنەن وقىتۋشىلار كەلگەن.
«بۇل - رەسپۋبليكالىق دەڭگەيدە ٶتٸپ جاتقان عىلىمي فورۋم. شارادا پاۆلودار, اقتٶبە, اقتاۋداعى مەملەكەتتٸك ۋنيۆەرسيتەت ماماندارى مەن ستۋدەنتتەرٸنٸڭ باياندامالارى وقىلۋدا. بۇل اگرارلىق باعىتتاعى ۋنيۆەرسيتەت, بٸراق بارلىق جوعارى وقۋ ورىندارىندا جالپى بٸلٸم بەرۋ جٷيەسٸ بويىنشا 1-كۋرس ستۋدەنتتەرٸ «فيلوسوفييا» پەنٸن وقيدى. فيلوسوفييا ەل-فارابيدٸ اينالىپ ٶتە المايتىن عىلىم», - دەيدٸ س.سەيفۋللين اتىنداعى قازاق اگروتەحنيكالىق ۋنيۆەرسيتەتٸنٸڭ گۋمانيتارلىق فاكۋلتەتٸنٸڭ دەكانى بولات اياپبەرگەنوۆ.
.jpeg)