AQSh okrýgtyq sýdiasy Djeims Donato Facebook áleýmettik jelisine qarsy túsirilgen ujymdyq shaǵym boiynsha bitim kelisimin maquldady. Shaǵym 2015 jyly 1,6 million jeli qoldanýshysynyń atynan túsirilgen. Olar áleýmettik jelini jeke ómirdiń qol suǵylmaýshylyǵyn buzdy dep aiyptady. Kelisim aiasynda Facebook kompaniiasy talapkerlerge 650 million dollar tóleidi.
Donatonyń aitýynsha, bul – aqparat qupiialyǵyn buzý jónindegi eń iri shaǵymdardyń biri.
"Ótemaqy alýǵa múddeli árbir talapker 345 dollardan alady" dep jazdy sýdia óziniń sheshiminde.
Talapkerlerge ótemaqy chek kúiinde aldaǵy eki aidyń ishinde poshtamen jiberilýi múmkin. Bul týraly 1,6 million Facebook qoldanýshysynyń atynan shaǵym túsirgen advokat Djei Edelson Chicago Tribune gazetine bergen suhbatynda aitty.
"Máseleniń rettelgenine qýanyshtymyz" delingen Facebook kompaniiasynyń málimdemesinde.
Talapkerler áleýmettik jelini Illinois shtatynyń biometrikalyq aqparat qupiialyǵy týraly zańyn buzdy dep aiyptady. Kompaniia jeli qoldanýshylary júktegen fotolarǵa adamdy sáikestendirý tehnologiiasyn paidalanǵan, bul úshin jeli qoldanýshylarynan ruqsat suramaǵan.
