اقش وكرۋگتىق سۋدياسى دجەيمس دوناتو Facebook ەلەۋمەتتٸك جەلٸسٸنە قارسى تٷسٸرٸلگەن ۇجىمدىق شاعىم بويىنشا بٸتٸم كەلٸسٸمٸن ماقۇلدادى. شاعىم 2015 جىلى 1,6 ميلليون جەلٸ قولدانۋشىسىنىڭ اتىنان تٷسٸرٸلگەن. ولار ەلەۋمەتتٸك جەلٸنٸ جەكە ٶمٸردٸڭ قول سۇعىلماۋشىلىعىن بۇزدى دەپ ايىپتادى. كەلٸسٸم اياسىندا Facebook كومپانيياسى تالاپكەرلەرگە 650 ميلليون دوللار تٶلەيدٸ.
دوناتونىڭ ايتۋىنشا, بۇل – اقپارات قۇپييالىعىن بۇزۋ جٶنٸندەگٸ ەڭ ٸرٸ شاعىمداردىڭ بٸرٸ.
"ٶتەماقى الۋعا مٷددەلٸ ەربٸر تالاپكەر 345 دوللاردان الادى" دەپ جازدى سۋديا ٶزٸنٸڭ شەشٸمٸندە.
تالاپكەرلەرگە ٶتەماقى چەك كٷيٸندە الداعى ەكٸ ايدىڭ ٸشٸندە پوشتامەن جٸبەرٸلۋٸ مٷمكٸن. بۇل تۋرالى 1,6 ميلليون Facebook قولدانۋشىسىنىڭ اتىنان شاعىم تٷسٸرگەن ادۆوكات دجەي ەدەلسون Chicago Tribune گازەتٸنە بەرگەن سۇحباتىندا ايتتى.
"مەسەلەنٸڭ رەتتەلگەنٸنە قۋانىشتىمىز" دەلٸنگەن Facebook كومپانيياسىنىڭ مەلٸمدەمەسٸندە.
تالاپكەرلەر ەلەۋمەتتٸك جەلٸنٸ يللينويس شتاتىنىڭ بيومەتريكالىق اقپارات قۇپييالىعى تۋرالى زاڭىن بۇزدى دەپ ايىپتادى. كومپانييا جەلٸ قولدانۋشىلارى جٷكتەگەن فوتولارعا ادامدى سەيكەستەندٸرۋ تەحنولوگيياسىن پايدالانعان, بۇل ٷشٸن جەلٸ قولدانۋشىلارىنان رۇقسات سۇراماعان.
