Eifel munarasy Jańa Zelandiia meshitterindegi shabýyldan qaza tapqandardy eske alý úshin jaryǵyn sóndiretin bolady. Bul jaily juma kúni frantsýz astanasynyń meri Ann Idalgo Twitter-degi paraqshasynda málim etti, dep habarlaidy QazAqparat.
«Osy shabýyl saldarynan qaza tapqandardy eske alý úshin Eifel munarasynyń jaryǵyn juma kúni túnde sóndiremiz», - dedi ol. Idalgo sondai-aq Jańa Zelandiia men Kraischerch turǵyndaryna barlyq parijdikter atynan kóńil aitty.
Aita keteiik, juma kúni qarýlanǵan top jańazelandiialyq Kraischerchtegi Al-Nýr jáne Linvýd meshitterine basa kóktei kirip, sol ýaqytta meshitte bolǵan júzdegen adamdarǵa oq atqan. Lańkestik saldarynan sońǵy málimetter boiynsha 49 adam qaza taýyp, jaraqat alǵan ondaǵan adam aýrýhanaǵa jetkizilgen. Shabýyl jasady dep aiyptalǵan úsh adam tutqyndaldy.
