ەيفەل مۇناراسى جاڭا زەلاندييا مەشٸتتەرٸندەگٸ شابۋىلدان قازا تاپقانداردى ەسكە الۋ ٷشٸن جارىعىن سٶندٸرەتٸن بولادى. بۇل جايلى جۇما كٷنٸ فرانتسۋز استاناسىنىڭ مەرٸ انن يدالگو Twitter-دەگٸ پاراقشاسىندا مەلٸم ەتتٸ, دەپ حابارلايدى قازاقپارات.
«وسى شابۋىل سالدارىنان قازا تاپقانداردى ەسكە الۋ ٷشٸن ەيفەل مۇناراسىنىڭ جارىعىن جۇما كٷنٸ تٷندە سٶندٸرەمٸز», - دەدٸ ول. يدالگو سونداي-اق جاڭا زەلاندييا مەن كرايسچەرچ تۇرعىندارىنا بارلىق پاريجدٸكتەر اتىنان كٶڭٸل ايتتى.
ايتا كەتەيٸك, جۇما كٷنٸ قارۋلانعان توپ جاڭازەلاندييالىق كرايسچەرچتەگٸ ال-نۋر جەنە لينۆۋد مەشٸتتەرٸنە باسا كٶكتەي كٸرٸپ, سول ۋاقىتتا مەشٸتتە بولعان جٷزدەگەن ادامدارعا وق اتقان. لاڭكەستٸك سالدارىنان سوڭعى مەلٸمەتتەر بويىنشا 49 ادام قازا تاۋىپ, جاراقات العان ونداعان ادام اۋرۋحاناعا جەتكٸزٸلگەن. شابۋىل جاسادى دەپ ايىپتالعان ٷش ادام تۇتقىندالدى.
