QR Syrtqy ister ministrligi reseilik kólik-logistikalyq kompaniialarǵa qatysty halyqaralyq júk tasymaldaýdy júzege asyratyn qazaqstandyq kásiporyndarǵa salynǵan sanktsiialardyń yqtimal teris áserine qatysty ahýaldy muqiiat qadaǵalyp otyr, dep habarlaidy "Ult aqparat" vedomstvonyń baspasóz qyzmetine silteme jasap.
Otandyq kásipker, "Kusto Group" kompaniiasynyń negizin qalaýshy-seriktesi Q. Kópbaevtyń qazaqstandyq taýarlardy halyqaralyq jáne eýropalyq teńiz porttary arqyly tieý men tasymaldaýda týyndaǵan qiyndyqtar týraly saýalyn nazarǵa ala otyryp, Qazaqstannyń sheteldik mekemeleri qajetti bailanystar ornatyp, negizgi eýropalyq porttardyń (Zebriýgge, Antverpen, Mýýga, Riga, Ventspils, Liepaia jáne t. b.) ákimshilikterimen konsýltatsiialar ótkizdi. Alynǵan aqparat boiynsha, qazirgi ýaqytta qazaqstandyq júk tasymaldaýshylarmen jumys isteýge qandai da bir shekteýler joq.
Sonymen qatar, qazaqstandyq taýarlardy tasymaldaýda kidiristerdiń paida bolý jaǵdailary qoldanystaǵy logistikalyq tizbekterdiń tyǵyz ózara bailanysyn eskere otyryp, reseilik kompaniialarǵa qoiylǵan shekteýlermen bailanysty bolýy múmkin.
Otandyq kompaniialarda halyqaralyq saqtandyrýdan bas tartylǵan reseilik kemelerde júkterdi tasymaldaý kezinde qiyndyqtar týyndaýy múmkin. Qazaqstandyq júkter men taýarlardy tasymaldaýdy keshiktirýdiń naqty faktileri anyqtalǵan jaǵdaida Syrtqy ister ministrligi QR shet elderdegi mekemelerimen birlesip, týyndaǵan máselelerdi jedel sheshýge kómek kórsetýge daiyn.
Osyǵan bailanysty, "KAZAKH INVEST "UK" AQ táýlik boiy jumys isteitin Call-ortalyǵyna kelesi nómir boiynsha habarlasýdy suraimyz +7 7172 620 620.
Jalpy, aldyn alý sharasy retinde Syrtqy ister ministrligi men sheteldik mekemeler qalyptasqan geoekonomikalyq jaǵdaida qazaqstandyq biznestiń saýda-ekonomikalyq qyzmeti úshin jaǵymsyz saldarlarǵa jol bermeý maqsatynda saiasi deńgeide sheteldik seriktestermen túsinikteme jumystaryn júrgizýde.
