قر سىرتقى ٸستەر مينيسترلٸگٸ رەسەيلٸك كٶلٸك-لوگيستيكالىق كومپانييالارعا قاتىستى حالىقارالىق جٷك تاسىمالداۋدى جٷزەگە اسىراتىن قازاقستاندىق كەسٸپورىندارعا سالىنعان سانكتسييالاردىڭ ىقتيمال تەرٸس ەسەرٸنە قاتىستى احۋالدى مۇقييات قاداعالىپ وتىر, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
وتاندىق كەسٸپكەر, "Kusto Group" كومپانيياسىنىڭ نەگٸزٸن قالاۋشى-سەرٸكتەسٸ ق. كٶپباەۆتىڭ قازاقستاندىق تاۋارلاردى حالىقارالىق جەنە ەۋروپالىق تەڭٸز پورتتارى ارقىلى تيەۋ مەن تاسىمالداۋدا تۋىنداعان قيىندىقتار تۋرالى ساۋالىن نازارعا الا وتىرىپ, قازاقستاننىڭ شەتەلدٸك مەكەمەلەرٸ قاجەتتٸ بايلانىستار ورناتىپ, نەگٸزگٸ ەۋروپالىق پورتتاردىڭ (زەبريۋگگە, انتۆەرپەن, مۋۋگا, ريگا, ۆەنتسپيلس, ليەپايا جەنە ت. ب.) ەكٸمشٸلٸكتەرٸمەن كونسۋلتاتسييالار ٶتكٸزدٸ. الىنعان اقپارات بويىنشا, قازٸرگٸ ۋاقىتتا قازاقستاندىق جٷك تاسىمالداۋشىلارمەن جۇمىس ٸستەۋگە قانداي دا بٸر شەكتەۋلەر جوق.
سونىمەن قاتار, قازاقستاندىق تاۋارلاردى تاسىمالداۋدا كٸدٸرٸستەردٸڭ پايدا بولۋ جاعدايلارى قولدانىستاعى لوگيستيكالىق تٸزبەكتەردٸڭ تىعىز ٶزارا بايلانىسىن ەسكەرە وتىرىپ, رەسەيلٸك كومپانييالارعا قويىلعان شەكتەۋلەرمەن بايلانىستى بولۋى مٷمكٸن.
وتاندىق كومپانييالاردا حالىقارالىق ساقتاندىرۋدان باس تارتىلعان رەسەيلٸك كەمەلەردە جٷكتەردٸ تاسىمالداۋ كەزٸندە قيىندىقتار تۋىنداۋى مٷمكٸن. قازاقستاندىق جٷكتەر مەن تاۋارلاردى تاسىمالداۋدى كەشٸكتٸرۋدٸڭ ناقتى فاكتٸلەرٸ انىقتالعان جاعدايدا سىرتقى ٸستەر مينيسترلٸگٸ قر شەت ەلدەردەگٸ مەكەمەلەرٸمەن بٸرلەسٸپ, تۋىنداعان مەسەلەلەردٸ جەدەل شەشۋگە كٶمەك كٶرسەتۋگە دايىن.
وسىعان بايلانىستى, "KAZAKH INVEST "ۇك" اق تەۋلٸك بويى جۇمىس ٸستەيتٸن Call-ورتالىعىنا كەلەسٸ نٶمٸر بويىنشا حابارلاسۋدى سۇرايمىز +7 7172 620 620.
جالپى, الدىن الۋ شاراسى رەتٸندە سىرتقى ٸستەر مينيسترلٸگٸ مەن شەتەلدٸك مەكەمەلەر قالىپتاسقان گەوەكونوميكالىق جاعدايدا قازاقستاندىق بيزنەستٸڭ ساۋدا-ەكونوميكالىق قىزمەتٸ ٷشٸن جاعىمسىز سالدارلارعا جول بەرمەۋ ماقساتىندا ساياسي دەڭگەيدە شەتەلدٸك سەرٸكتەستەرمەن تٷسٸنٸكتەمە جۇمىستارىن جٷرگٸزۋدە.
