QR Premer-Ministri Asqar Mamin «Samuryq-Qazyna» Ulttyq ál-aýqat qory» AQ ujymyna basqarmanyń jańa tóraǵasy Almasadam Sátqalievti tanystyrdy, dep habarlaidy primeminister.kz.
Úkimet basshysy qordyń burynǵy basqarma tóraǵasy Ahmetjan Esimovke Qazaqstan Respýblikasynyń áleýmettik-ekonomikalyq damýyna qosqan eleýli úlesi jáne Táýelsizdik jyldary túrli memlekettik laýazymdardaǵy tiimdi jumysy úshin alǵys aitty.
Premer-Ministr A. Esimovtiń «Samuryq-Qazyna» UÁQ» AQ transformatsiiasyn júrgizý jáne jańǵyrtý, Qazaqstan ekonomikasyn ártaraptandyrý men damytýdy arttyrý jónindegi mindetterdi tabysty sheshkenin atap ótti.
Asqar Mamin qordyń jańa basshysy Almasadam Sátqalievti tanystyra otyryp, onyń energetika salasyndaǵy jáne «Samuryq-Qazyna» UÁQ» AQ júiesindegi úlken jumys tájiribesin atap aitty.
«QR Tuńǵysh Prezidenti – Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaev «Samuryq-Qazyna» qorynyń aldynda mańyzy úlken mindetter qoiyp otyr. Bul elimizdiń infraqurylymdyq, kólik-logistikalyq jáne indýstrialdyq damýyn qamtamasyz etý arqyly, sonymen qatar, otyn-energetika keshenin damytý, investitsiialardy tartý jáne otandyq taýar óndirýshilerge qoldaý kórsetý arqyly ulttyq ekonomikanyń odan ári turaqty damýyna jaǵdai jasaý», — dedi A. Mamin.
Jańa tóraǵa týraly ne bilemiz?
Almasadam Maidanuly Sátqaliev 1970 jyly 31 qazanda Almaty qalasynda týǵan. Ál-Farabi atyndaǵy Qazaq ulttyq ýniversitetin "mehanik, qoldanbaly matematik" mamandyǵy boiynsha, Nazarbaev Ýniversitetiniń Joǵary biznes mektebin, Stenford ýniversitetiniń Joǵary biznes mektebin bitirgen. Ekonomika ǵylymdarynyń doktory, Qazaqstan Ulttyq jaratylystaný ǵylymdary akademiiasynyń akademigi, Resei jaratylystaný ǵylymdary akademiiasynyń sheteldik múshesi.
1997-2001 jyldary "QazTransOil" ulttyq munai tasymaldaý kompaniiasy" AQ-da menedjer, kliring departamentiniń bastyǵy, jobalardy basqarý departamentiniń bastyǵy, basqarýshy direktor, ekonomika jónindegi vitse-prezidenti bolyp jumys istedi.
2001-2006 jyldary "KEGOC" elektr jelilerin basqarý jónindegi qazaqstandyq kompaniia" AQ qarjy direktory, ekonomika jónindegi vitse-prezidenti jáne birinshi vitse-prezidenti laýazymyn atqardy.
2006-2007 jyldary "Samuryq" memlekettik aktivterdi basqarý jónindegi qazaqstandyq holdingi" AQ-nyń elektr energetika aktivterin basqarý jónindegi direktory boldy.
2007 jylǵy qańtarda Qazaqstan Respýblikasynyń energetika jáne mineraldyq resýrstar vitse-ministri, "Samuryq" memlekettik aktivterdi basqarý jónindegi qazaqstandyq holdingi" AQ direktorlar keńesiniń múshesi bolyp taǵaiyndaldy.
2008-2009 jyldary – "KEGOC" elektr jelilerin basqarý jónindegi qazaqstandyq kompaniia" AQ birinshi vitse-prezidenti, 2009-2011 jyldary – "Elektr jelilerin basqarý jónindegi qazaqstandyq kompaniia" AQ prezidenti. 2011 jyly "Samuryq-Qazyna" UÁQ" AQ basqarýshy direktory bolyp taǵaiyndaldy, 2011-2018 jyldary – "Samuryq-Energo" AQ direktorlar keńesiniń tóraǵasy, basqarma tóraǵasy.
2018 jyldan bastap qazirgi ýaqytqa deiin – "Samuryq-Qazyna" UÁQ" AQ aktivterdi basqarý jónindegi basqarýshy direktor boldy.
