قر پرەمەر-مينيسترٸ اسقار مامين «سامۇرىق-قازىنا» ۇلتتىق ەل-اۋقات قورى» اق ۇجىمىنا باسقارمانىڭ جاڭا تٶراعاسى الماسادام سەتقاليەۆتٸ تانىستىردى, دەپ حابارلايدى primeminister.kz.
ٷكٸمەت باسشىسى قوردىڭ بۇرىنعى باسقارما تٶراعاسى احمەتجان ەسٸموۆكە قازاقستان رەسپۋبليكاسىنىڭ ەلەۋمەتتٸك-ەكونوميكالىق دامۋىنا قوسقان ەلەۋلٸ ٷلەسٸ جەنە تەۋەلسٸزدٸك جىلدارى تٷرلٸ مەملەكەتتٸك لاۋازىمدارداعى تيٸمدٸ جۇمىسى ٷشٸن العىس ايتتى.
پرەمەر-مينيستر ا. ەسٸموۆتٸڭ «سامۇرىق-قازىنا» ۇەق» اق ترانسفورماتسيياسىن جٷرگٸزۋ جەنە جاڭعىرتۋ, قازاقستان ەكونوميكاسىن ەرتاراپتاندىرۋ مەن دامىتۋدى ارتتىرۋ جٶنٸندەگٸ مٸندەتتەردٸ تابىستى شەشكەنٸن اتاپ ٶتتٸ.
اسقار مامين قوردىڭ جاڭا باسشىسى الماسادام سەتقاليەۆتٸ تانىستىرا وتىرىپ, ونىڭ ەنەرگەتيكا سالاسىنداعى جەنە «سامۇرىق-قازىنا» ۇەق» اق جٷيەسٸندەگٸ ٷلكەن جۇمىس تەجٸريبەسٸن اتاپ ايتتى.
«قر تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆ پەن مەملەكەت باسشىسى قاسىم-جومارت كەمەلۇلى توقاەۆ «سامۇرىق-قازىنا» قورىنىڭ الدىندا ماڭىزى ٷلكەن مٸندەتتەر قويىپ وتىر. بۇل ەلٸمٸزدٸڭ ينفراقۇرىلىمدىق, كٶلٸك-لوگيستيكالىق جەنە يندۋستريالدىق دامۋىن قامتاماسىز ەتۋ ارقىلى, سونىمەن قاتار, وتىن-ەنەرگەتيكا كەشەنٸن دامىتۋ, ينۆەستيتسييالاردى تارتۋ جەنە وتاندىق تاۋار ٶندٸرۋشٸلەرگە قولداۋ كٶرسەتۋ ارقىلى ۇلتتىق ەكونوميكانىڭ ودان ەرٸ تۇراقتى دامۋىنا جاعداي جاساۋ», — دەدٸ ا. مامين.
جاڭا تٶراعا تۋرالى نە بٸلەمٸز?
الماسادام مايدانۇلى سەتقاليەۆ 1970 جىلى 31 قازاندا الماتى قالاسىندا تۋعان. ەل-فارابي اتىنداعى قازاق ۇلتتىق ۋنيۆەرسيتەتٸن "مەحانيك, قولدانبالى ماتەماتيك" ماماندىعى بويىنشا, نازارباەۆ ۋنيۆەرسيتەتٸنٸڭ جوعارى بيزنەس مەكتەبٸن, ستەنفورد ۋنيۆەرسيتەتٸنٸڭ جوعارى بيزنەس مەكتەبٸن بٸتٸرگەن. ەكونوميكا عىلىمدارىنىڭ دوكتورى, قازاقستان ۇلتتىق جاراتىلىستانۋ عىلىمدارى اكادەميياسىنىڭ اكادەميگٸ, رەسەي جاراتىلىستانۋ عىلىمدارى اكادەميياسىنىڭ شەتەلدٸك مٷشەسٸ.
1997-2001 جىلدارى "قازترانسويل" ۇلتتىق مۇناي تاسىمالداۋ كومپانيياسى" اق-دا مەنەدجەر, كليرينگ دەپارتامەنتٸنٸڭ باستىعى, جوبالاردى باسقارۋ دەپارتامەنتٸنٸڭ باستىعى, باسقارۋشى ديرەكتور, ەكونوميكا جٶنٸندەگٸ ۆيتسە-پرەزيدەنتٸ بولىپ جۇمىس ٸستەدٸ.
2001-2006 جىلدارى "KEGOC" ەلەكتر جەلٸلەرٸن باسقارۋ جٶنٸندەگٸ قازاقستاندىق كومپانييا" اق قارجى ديرەكتورى, ەكونوميكا جٶنٸندەگٸ ۆيتسە-پرەزيدەنتٸ جەنە بٸرٸنشٸ ۆيتسە-پرەزيدەنتٸ لاۋازىمىن اتقاردى.
2006-2007 جىلدارى "سامۇرىق" مەملەكەتتٸك اكتيۆتەردٸ باسقارۋ جٶنٸندەگٸ قازاقستاندىق حولدينگٸ" اق-نىڭ ەلەكتر ەنەرگەتيكا اكتيۆتەرٸن باسقارۋ جٶنٸندەگٸ ديرەكتورى بولدى.
2007 جىلعى قاڭتاردا قازاقستان رەسپۋبليكاسىنىڭ ەنەرگەتيكا جەنە مينەرالدىق رەسۋرستار ۆيتسە-مينيسترٸ, "سامۇرىق" مەملەكەتتٸك اكتيۆتەردٸ باسقارۋ جٶنٸندەگٸ قازاقستاندىق حولدينگٸ" اق ديرەكتورلار كەڭەسٸنٸڭ مٷشەسٸ بولىپ تاعايىندالدى.
2008-2009 جىلدارى – "KEGOC" ەلەكتر جەلٸلەرٸن باسقارۋ جٶنٸندەگٸ قازاقستاندىق كومپانييا" اق بٸرٸنشٸ ۆيتسە-پرەزيدەنتٸ, 2009-2011 جىلدارى – "ەلەكتر جەلٸلەرٸن باسقارۋ جٶنٸندەگٸ قازاقستاندىق كومپانييا" اق پرەزيدەنتٸ. 2011 جىلى "سامۇرىق-قازىنا" ۇەق" اق باسقارۋشى ديرەكتورى بولىپ تاعايىندالدى, 2011-2018 جىلدارى – "سامۇرىق-ەنەرگو" اق ديرەكتورلار كەڭەسٸنٸڭ تٶراعاسى, باسقارما تٶراعاسى.
2018 جىلدان باستاپ قازٸرگٸ ۋاقىتقا دەيٸن – "سامۇرىق-قازىنا" ۇەق" اق اكتيۆتەردٸ باسقارۋ جٶنٸندەگٸ باسقارۋشى ديرەكتور بولدى.
