Foto: ashyq derekkóz
Bul týraly Memlekettik keńesshi Erlan Qarin áleýmettik jelidegi paraqshasynda málimdedi, dep habarlaidy Ult.kz.
«IýNESKO Bas konferentsiiasynyń 43-sessiiasynda Qazaqstan tarapynan berilgen birneshe usynys qoldaý tapty. Áigili opera ánshisi Ermek Serkebaev pen kórnekti kinorejisser Abdolla Qarsaqbaevtyń 100 jyldyq mereitoilary 2026-2027 jyldary halyqaralyq uiym aiasynda atalyp ótetin ataýly kúnder kúntizbesine engizildi. Bul – ulttyq ári álemdik mádeniettiń damýyna zor úles qosqan qazaqstandyq qairatkerlerdiń halyqaralyq deńgeide laiyqty moiyndalýynyń bir belgisi», - dep jazdy Memlekettik keńesshi.
IýNESKO-nyń Ataýly kúnder kúntizbesi Uiym tarapynan qoldaý tapqan jáne halyqaralyq deńgeide uiymdastyrylatyn ataýly kúnder men mereitoilardyń, mańyzdy oqiǵalardyń resmi tizimi.
Uiym 1956 jyldan beri 1 234 ataýly kúndi merekeleýge atsalysqan. Sonyń 31-i Qazaqstannyń usynysy boiynsha engizilgen. Atap aitqanda, Abai Qunanbaiulynyń 150 jyldyq, Shymkent qalasynyń 2200 jyldyq, Almaty qalasynyń 1000 jyldyq, Muhtar Áýezovtiń, Qanysh Sátbaevtyń, Sábit Muqanovtyń 100 jyldyq mereitoilary jáne basqa da ataýly kúnder IýNESKO qoldaýymen halyqaralyq deńgeide toilandy. Osy jyly IýNESKO-nyń shtab-páterinde áigili kompozitor ári dirijer Nurǵisa Tilendievtiń 100 jyldyǵyna arnalǵan merekelik kontsert uiymdastyryldy.
