فوتو: اشىق دەرەككٶز
بۇل تۋرالى مەملەكەتتٸك كەڭەسشٸ ەرلان قارين ەلەۋمەتتٸك جەلٸدەگٸ پاراقشاسىندا مەلٸمدەدٸ, دەپ حابارلايدى Ult.kz.
«يۋنەسكو باس كونفەرەنتسيياسىنىڭ 43-سەسسيياسىندا قازاقستان تاراپىنان بەرٸلگەن بٸرنەشە ۇسىنىس قولداۋ تاپتى. ەيگٸلٸ وپەرا ەنشٸسٸ ەرمەك سەركەباەۆ پەن كٶرنەكتٸ كينورەجيسسەر ابدوللا قارساقباەۆتىڭ 100 جىلدىق مەرەيتويلارى 2026-2027 جىلدارى حالىقارالىق ۇيىم اياسىندا اتالىپ ٶتەتٸن اتاۋلى كٷندەر كٷنتٸزبەسٸنە ەنگٸزٸلدٸ. بۇل – ۇلتتىق ەرٸ ەلەمدٸك مەدەنيەتتٸڭ دامۋىنا زور ٷلەس قوسقان قازاقستاندىق قايراتكەرلەردٸڭ حالىقارالىق دەڭگەيدە لايىقتى مويىندالۋىنىڭ بٸر بەلگٸسٸ», - دەپ جازدى مەملەكەتتٸك كەڭەسشٸ.
يۋنەسكو-نىڭ اتاۋلى كٷندەر كٷنتٸزبەسٸ ۇيىم تاراپىنان قولداۋ تاپقان جەنە حالىقارالىق دەڭگەيدە ۇيىمداستىرىلاتىن اتاۋلى كٷندەر مەن مەرەيتويلاردىڭ, ماڭىزدى وقيعالاردىڭ رەسمي تٸزٸمٸ.
ۇيىم 1956 جىلدان بەرٸ 1 234 اتاۋلى كٷندٸ مەرەكەلەۋگە اتسالىسقان. سونىڭ 31-ٸ قازاقستاننىڭ ۇسىنىسى بويىنشا ەنگٸزٸلگەن. اتاپ ايتقاندا, اباي قۇنانبايۇلىنىڭ 150 جىلدىق, شىمكەنت قالاسىنىڭ 2200 جىلدىق, الماتى قالاسىنىڭ 1000 جىلدىق, مۇحتار ەۋەزوۆتٸڭ, قانىش سەتباەۆتىڭ, سەبيت مۇقانوۆتىڭ 100 جىلدىق مەرەيتويلارى جەنە باسقا دا اتاۋلى كٷندەر يۋنەسكو قولداۋىمەن حالىقارالىق دەڭگەيدە تويلاندى. وسى جىلى يۋنەسكو-نىڭ شتاب-پەتەرٸندە ەيگٸلٸ كومپوزيتور ەرٸ ديريجەر نۇرعيسا تٸلەنديەۆتٸڭ 100 جىلدىعىنا ارنالعان مەرەكەلٸك كونتسەرت ۇيىمداستىرىلدى.
