Jýrnalist, jazýshy Esbolat Aidabosynnyń jas qalamgerlerdiń jai-kúii tóńireginde kótergen máselesi qoǵamda qyzý talqyǵa túsip jatyr. Alǵash bop belgili saiasattanýshy Aidos Sarym pikir bildirip, kótergen máselege kelispeitin tustaryn ashyq aitqan bolatyn. Artynsha Esbolat Aidabosyn qaitara jaýap berdi. Taqyrypqa qatysty jýrnalist, jazýshy Qanat Ábilqaiyr, shyǵystanýshy-jýrnalist Ǵalym Boqash ta óz oiyn aitty. Búgin tanymal aqyn Erlan Júnis feisbýktaǵy jeke paraqshasynda pikir bildirdi.
***
Sen muńaima!..
Stiven Fraidyń "Gippopotamynda" keiipker: "Búkil Angliiada, Irlandiia, Shotlandiia, Ýelste turatyn barlyq aqyn bir túnde joiylyp ketse de eshkim baiqamas edi. Bəlkim, 14 kún ótkennen keiin kenetten ańǵarar" deýshi edi.
Jalpy, aqyn ia jazýshy adamdarǵa (qoǵamǵa) kerek pe? Onyń məselesi, ózi qajet pe? Ózgeni alańdata ma? Əlde, azap shegýshi, kúizelýshi, qorlyq kórýshi, qaiyrshylyq haldegi hanzada beinesindegi keipi unamdy ma? Múmkin, katarsis əleýmettik qajettilik pen məjbúrlik arqyly júzege asady dep sanalatyn bolar?.. Jan azaby jyrtyq shekpennen anyq kóriner? Múmkin, Mýza jaldamaly pəter men jylaǵan balanyń daýsyna úiirsek dep túsiniletin bolar?.. Múmkin, óz taǵdyrynyń byt-shyty shyqqan adam ǵana ult, adamzat taǵdyryna alańdar?.. Múmkin, óli aqyndar anaǵurlym súikimdi bolar?..
Lev Tolstoi "Meniń eń súiikti aqynym kim ekenin bilesiz be?" dep suraq qoiady da, ózi jaýap beredi: "Ol - Tiýtchev, onsyz ómir súrýge bolmaidy".
Meniń oiymsha, ózgeler syrt ainalsa da, qalamgerler bir-birine qamqor bolýy kerek. Əsirese, jas qalamgerlerge. Olardyń qalamnan basqa eshteńesi, bizden basqa eshkimi joq!.
Erlan Júnis
.jpg)