جۋرناليست, جازۋشى ەسبولات ايدابوسىننىڭ جاس قالامگەرلەردٸڭ جاي-كٷيٸ تٶڭٸرەگٸندە كٶتەرگەن مەسەلەسٸ قوعامدا قىزۋ تالقىعا تٷسٸپ جاتىر. العاش بوپ بەلگٸلٸ ساياساتتانۋشى ايدوس سارىم پٸكٸر بٸلدٸرٸپ, كٶتەرگەن مەسەلەگە كەلٸسپەيتٸن تۇستارىن اشىق ايتقان بولاتىن. ارتىنشا ەسبولات ايدابوسىن قايتارا جاۋاپ بەردٸ. تاقىرىپقا قاتىستى جۋرناليست, جازۋشى قانات ەبٸلقايىر, شىعىستانۋشى-جۋرناليست عالىم بوقاش تا ٶز ويىن ايتتى. بٷگٸن تانىمال اقىن ەرلان جٷنٸس فەيسبۋكتاعى جەكە پاراقشاسىندا پٸكٸر بٸلدٸردٸ.
***
سەن مۇڭايما!..
ستيۆەن فرايدىڭ "گيپپوپوتامىندا" كەيٸپكەر: "بٷكٸل انگلييادا, يرلاندييا, شوتلاندييا, ۋەلستە تۇراتىن بارلىق اقىن بٸر تٷندە جويىلىپ كەتسە دە ەشكٸم بايقاماس ەدٸ. بəلكٸم, 14 كٷن ٶتكەننەن كەيٸن كەنەتتەن اڭعارار" دەۋشٸ ەدٸ.
جالپى, اقىن يا جازۋشى ادامدارعا (قوعامعا) كەرەك پە? ونىڭ مəسەلەسٸ, ٶزٸ قاجەت پە? ٶزگەنٸ الاڭداتا ما? Əلدە, ازاپ شەگۋشٸ, كٷيزەلۋشٸ, قورلىق كٶرۋشٸ, قايىرشىلىق حالدەگٸ حانزادا بەينەسٸندەگٸ كەيپٸ ۇنامدى ما? مٷمكٸن, كاتارسيس əلەۋمەتتٸك قاجەتتٸلٸك پەن مəجبٷرلٸك ارقىلى جٷزەگە اسادى دەپ سانالاتىن بولار?.. جان ازابى جىرتىق شەكپەننەن انىق كٶرٸنەر? مٷمكٸن, مۋزا جالدامالى پəتەر مەن جىلاعان بالانىڭ داۋسىنا ٷيٸرسەك دەپ تٷسٸنٸلەتٸن بولار?.. مٷمكٸن, ٶز تاعدىرىنىڭ بىت-شىتى شىققان ادام عانا ۇلت, ادامزات تاعدىرىنا الاڭدار?.. مٷمكٸن, ٶلٸ اقىندار اناعۇرلىم سٷيكٸمدٸ بولار?..
لەۆ تولستوي "مەنٸڭ ەڭ سٷيٸكتٸ اقىنىم كٸم ەكەنٸن بٸلەسٸز بە?" دەپ سۇراق قويادى دا, ٶزٸ جاۋاپ بەرەدٸ: "ول - تيۋتچەۆ, ونسىز ٶمٸر سٷرۋگە بولمايدى".
مەنٸڭ ويىمشا, ٶزگەلەر سىرت اينالسا دا, قالامگەرلەر بٸر-بٸرٸنە قامقور بولۋى كەرەك. Əسٸرەسە, جاس قالامگەرلەرگە. ولاردىڭ قالامنان باسقا ەشتەڭەسٸ, بٸزدەن باسقا ەشكٸمٸ جوق!.
ەرلان جٷنٸس
