رەسەيلٸك اكتەر ەرٸ ەزٸلكەش ميحايل گالۋستيان تەجٸكستانعا ساپارىنان كەيٸن «ناشا Russia» شوۋىنداعى رٶلدەرٸ ٷشٸن تەجٸك حالقىنان كەشٸرٸم سۇرادى. ونىڭ بۇرىنعى ەزٸلدەرٸ كەيبٸر كٶرەرمەندەردٸڭ كٶڭٸلٸنە تيگەن بولسا, ٶكٸنەتٸنٸن ايتتى, دەپ حابارلايدى ult.kz NewTimes.kz-كە سٸلتەمە جاساپ.
گالۋستياننىڭ كەشٸرٸم سۇراعان ۆيدەوسىن Instagram جەلٸسٸندە TAS International Group كومپانيياسىنىڭ باسشىسى ولەگ سامسونوۆ جارييالاعان.
اكتەر دۋشانبەگە العاش رەت كەلگەنٸن ايتىپ, قالانىڭ سەۋلەتٸنە, كٶركٸنە, تۇرعىندارىنىڭ قوناقجايلىعىنا جەنە دامۋ قارقىنىنا تەنتٸ بولعانىن جەتكٸزدٸ. سونداي-اق ساپاردان كەيٸن تەجٸكستاننىڭ تاريحى مەن مەدەنيەتٸن تەرەڭٸرەك تانىعانىن اتاپ ٶتتٸ.
«ەگەر بۇرىنعى جۇمىستارىم مەن سومداعان رٶلدەرٸم بٸرەۋدٸڭ كٶڭٸلٸنە قاياۋ تٷسٸرسە نەمەسە بٷگٸنگٸ تەجٸكستانعا ساپارىما بايلانىستى نارازىلىققا سەبەپ بولسا, شىن جٷرەكتەن ٶكٸنەمٸن جەنە سٸزدەردەن شىن كٶڭٸلٸممەن كەشٸرٸم سۇرايمىن. بٷكٸل تەجٸك حالقىنان كەشٸرٸم ٶتٸنەمٸن», – دەدٸ اكتەر.
ول ساپار كەزٸندە كٶرسەتٸلگەن قۇرمەت پەن قوناقجايلىق ٷشٸن تەجٸكستان تۇرعىندارىنا العىس ايتتى.
گالۋستياننىڭ ساپارى نەگە سىنعا ۇشىرادى?
Avesta باسىلىمىنىڭ مەلٸمەتٸنشە, قوعامداعى تالقىلاۋعا اكتەردٸڭ 30 قىركٷيەكتە دۋشانبەدە ٶتكەن جابىق ٸس-شاراعا قاتىسۋى سەبەپ بولعان. كەزدەسۋدٸ TAS International Group كومپانيياسى كليەنتتەرٸ مەن سەرٸكتەستەرٸ ٷشٸن ۇيىمداستىرعان.
الايدا ەلەۋمەتتٸك جەلٸ قولدانۋشىلارى اكتەردٸڭ بۇرىنعى رٶلدەرٸن جاپپاي سىنعا العان. كەيبٸر قولدانۋشىلار ونىڭ ەزٸلدەرٸ تەجٸكستاننان شەتەلگە جۇمىس ٸستەۋگە باراتىن ميگرانتتاردى كەمسٸتٸپ كٶرسەتەدٸ دەپ سىناعان. باسقالارى اكتەرگە ٶز ۇستانىمىن تٷسٸندٸرۋگە مٷمكٸندٸك بەرۋ كەرەگٸن ايتقان.
تەجٸكستاننىڭ مەدەنيەت مينيسترلٸگٸ بۇعان دەيٸن گالۋستياننىڭ ەلگە كەلۋٸ ۆەدومستۆومەن كەلٸسٸلمەگەنٸن مەلٸمدەگەن.
«ناشا Russia» شوۋىنداعى راۆشان مەن دجامشۋت كٸمدەر?
ميحايل گالۋستيان تانىلعان «ناشا Russia» ەزٸل-سىقاق شوۋى 2006–2011 جىلدارى تنت تەلەارناسىندا كٶرسەتٸلگەن.
باعدارلامادا ميحايل گالۋستيان راۆشاننىڭ, ال ۆالەريي ماگدياش دجامشۋتتىڭ رٶلٸن سومدادى. ەكٸ كەيٸپكەر تەجٸكستاننان كەلگەن ەڭبەك ميگرانتتارى رەتٸندە بەينەلەنٸپ, كٶبٸنە بٸلٸمٸ تٶمەن, قاراپايىم نەرسەلەردٸ تٷسٸنبەيتٸن ادامدار رەتٸندە كٶرسەتٸلگەن.
بۇل وبرازدار تەجٸكستان قوعامىنىڭ بٸر بٶلٸگٸنٸڭ نارازىلىعىن تۋدىرعان. سىنشىلار مۇنداي ەزٸلدەر تەجٸك ميگرانتتارى تۋرالى جاعىمسىز ستەرەوتيپتەردٸ قالىپتاستىرادى دەپ ەسەپتەگەن.
شوۋ كٶرسەتٸلگەن كەزەڭدە تەجٸكستان سىرتقى ٸستەر مينيسترلٸگٸ رەسەي تاراپىنا رەسمي نوتا جولداعان. سونىمەن قاتار ەلدە وسى ەزٸل-سىقاق جوباسىنا بايلانىستى فيلم جازىلعان ديسكٸلەردٸڭ تارالۋىنا تىيىم سالىنعان.
ارادا بٸرنەشە جىل ٶتسە دە, راۆشان مەن دجامشۋتتىڭ وبرازدارى قوعامدا پٸكٸرتالاس تۋعىزىپ كەلەدٸ. گالۋستياننىڭ دۋشانبەگە ساپارى وسى مەسەلەنٸ قايتا كٷن تەرتٸبٸنە شىعاردى.
