foto: Erlan Sairov. Májilis baspasóz qyzmeti
Búgin Májilis otyrysynda Erlan Sairov Premer ministrdiń orynbasary Tamara Dúisenovaǵa depýtattyq saýal joldady, dep habarlaidy Ult.kz.
Depýtattyń aitýynsha: “Ulttyq statistika Biýrosynyń málimetterine súiensek, jan basyna shaqqandaǵy kiris 112-myń teńge quraidy, onyń 98-myń teńgesi tek qana azyq-túlik, kiim-keshek, kommýnaldyq qyzmetti tóleýge ketedi”.
Sondai-aq:
“Mysaly, Ulttyq statistika biýrosynyń derekteri boiynsha, kúrishtiń baǵasy 31,3-paiyzǵa, jumyrtqa 16,9-paiyzǵa, sary mai men sút ónimderiniń baǵasy 12 paiyzǵa ósken.
Turǵyn úi-kommýnaldyq sharýashylyqqa kelsek, kommýnaldyq qyzmetter ortasha alǵanda 25-paiyzǵa qymbattaǵan.
“Bul jaǵdai azamattardyń shyǵynyn arttyryp, kiristerin tómendetip jibergendigi anyq. «Baǵa qaida ketip barasyń» dep jylamsyraityn jaǵdaiǵa de jettik!
Al elimizdegi eń tómengi tólem eki jyl boldy 85-myń teńgeden kóterilmei tur.
Halyqaralyq týrbýlenttilikke, iri ekonomikalardyń ózara «saýda soǵystary» men tariftik shielenisterine bailanysty biyl Qazaqstannyń da ekonomikalyq kórsetkishteri baiaýlap, ásirese importtyq taýarlardyń baǵasy odan ári ósý yqtimaldylyǵy zor.
Halyqaralyq jaǵdaidyń kúrdelilenýine bailanysty dúniejúzi ekonomikasy da turaqsyzdanatyndyǵy sózsiz!
AMANAT Fraktsiiasy búgingi aýmaly-tókpeli kezeńde bizdiń otandastarymyzdyń áleýmettik deńgeiiniń kúrt tómendeýine jol bermeý qajet dep esepteidi!”,- deidi depýtat.
Depýtat Úkimetke kelesidei shuǵyl qadamdar jasaýdy usyndy:
- Eń tómengi tólemdi indeksatsiia jasaý;
- Jumyssyzdyqtan saqtandyrý somasyn arttyrý arqyly eń tómen jalaqy alatyn adamdardyń saqtandyrý júiesin jetildirý
- Óńirlik ákimdikter jergilikti turǵyndarǵa azyq-túlik qaýipsizdigin qamtamasyz etý baǵytyndaǵy sharalardy qolǵa alýy tiis.
- Ákimder óńirlik aýyl sharýashylyq ónimderin jergilikti naryqqa qajetti mólsherde jetkizilýin qamtamasyz etýi qajet.
- Aýyl sharýashylyq ónimderine beriletin memlekettik tólemderdi ýaqytyly ári qajetti somada tolyq tólenýin qamtamasyz etý qajet.
