فوتو: ەرلان سايروۆ. مەجٸلٸس باسپاسٶز قىزمەتٸ
بٷگٸن مەجٸلٸس وتىرىسىندا ەرلان سايروۆ پرەمەر مينيستردٸڭ ورىنباسارى تامارا دٷيسەنوۆاعا دەپۋتاتتىق ساۋال جولدادى, دەپ حابارلايدى Ult.kz.
دەپۋتاتتىڭ ايتۋىنشا: “ۇلتتىق ستاتيستيكا بيۋروسىنىڭ مەلٸمەتتەرٸنە سٷيەنسەك, جان باسىنا شاققانداعى كٸرٸس 112-مىڭ تەڭگە قۇرايدى, ونىڭ 98-مىڭ تەڭگەسٸ تەك قانا ازىق-تٷلٸك, كيٸم-كەشەك, كوممۋنالدىق قىزمەتتٸ تٶلەۋگە كەتەدٸ”.
سونداي-اق:
“مىسالى, ۇلتتىق ستاتيستيكا بيۋروسىنىڭ دەرەكتەرٸ بويىنشا, كٷرٸشتٸڭ باعاسى 31,3-پايىزعا, جۇمىرتقا 16,9-پايىزعا, سارى ماي مەن سٷت ٶنٸمدەرٸنٸڭ باعاسى 12 پايىزعا ٶسكەن.
تۇرعىن ٷي-كوممۋنالدىق شارۋاشىلىققا كەلسەك, كوممۋنالدىق قىزمەتتەر ورتاشا العاندا 25-پايىزعا قىمباتتاعان.
“بۇل جاعداي ازاماتتاردىڭ شىعىنىن ارتتىرىپ, كٸرٸستەرٸن تٶمەندەتٸپ جٸبەرگەندٸگٸ انىق. «باعا قايدا كەتٸپ باراسىڭ» دەپ جىلامسىرايتىن جاعدايعا دە جەتتٸك!
ال ەلٸمٸزدەگٸ ەڭ تٶمەنگٸ تٶلەم ەكٸ جىل بولدى 85-مىڭ تەڭگەدەن كٶتەرٸلمەي تۇر.
حالىقارالىق تۋربۋلەنتتٸلٸككە, ٸرٸ ەكونوميكالاردىڭ ٶزارا «ساۋدا سوعىستارى» مەن تاريفتٸك شيەلەنٸستەرٸنە بايلانىستى بيىل قازاقستاننىڭ دا ەكونوميكالىق كٶرسەتكٸشتەرٸ باياۋلاپ, ەسٸرەسە يمپورتتىق تاۋارلاردىڭ باعاسى ودان ەرٸ ٶسۋ ىقتيمالدىلىعى زور.
حالىقارالىق جاعدايدىڭ كٷردەلٸلەنۋٸنە بايلانىستى دٷنيەجٷزٸ ەكونوميكاسى دا تۇراقسىزداناتىندىعى سٶزسٸز!
AMANAT فراكتسيياسى بٷگٸنگٸ اۋمالى-تٶكپەلٸ كەزەڭدە بٸزدٸڭ وتانداستارىمىزدىڭ ەلەۋمەتتٸك دەڭگەيٸنٸڭ كٷرت تٶمەندەۋٸنە جول بەرمەۋ قاجەت دەپ ەسەپتەيدٸ!”,- دەيدٸ دەپۋتات.
دەپۋتات ٷكٸمەتكە كەلەسٸدەي شۇعىل قادامدار جاساۋدى ۇسىندى:
- ەڭ تٶمەنگٸ تٶلەمدٸ يندەكساتسييا جاساۋ;
- جۇمىسسىزدىقتان ساقتاندىرۋ سوماسىن ارتتىرۋ ارقىلى ەڭ تٶمەن جالاقى الاتىن ادامداردىڭ ساقتاندىرۋ جٷيەسٸن جەتٸلدٸرۋ
- ٶڭٸرلٸك ەكٸمدٸكتەر جەرگٸلٸكتٸ تۇرعىندارعا ازىق-تٷلٸك قاۋٸپسٸزدٸگٸن قامتاماسىز ەتۋ باعىتىنداعى شارالاردى قولعا الۋى تيٸس.
- ەكٸمدەر ٶڭٸرلٸك اۋىل شارۋاشىلىق ٶنٸمدەرٸن جەرگٸلٸكتٸ نارىققا قاجەتتٸ مٶلشەردە جەتكٸزٸلۋٸن قامتاماسىز ەتۋٸ قاجەت.
- اۋىل شارۋاشىلىق ٶنٸمدەرٸنە بەرٸلەتٸن مەملەكەتتٸك تٶلەمدەردٸ ۋاقىتىلى ەرٸ قاجەتتٸ سومادا تولىق تٶلەنۋٸن قامتاماسىز ەتۋ قاجەت.
