Tanymal ánshi Erke Esmahan áleýmettik jelidegi paraqshasynda kúieýi Raimǵa degen ystyq yqylasyn bildirip, kópshiliktiń nazaryn aýdardy, dep habarlaidy ult.kz.
Óner iesi ónerdegi de, ómirdegi de eń úlken tiregi jubaiy ekenin aityp, oǵan alǵys jaýdyrdy.
«El biledi… Meniń ónerde de, ómirde de arqasúierim, qoldaýshym, demeýshim, meni “álemniń eń keremetine teńeýshim” – Raim ekenin. Barlyǵy úshin rahmet. Súiem seni! Tek mende kúieý bardai, “kúieýim, kúieýim” dep aita beretinim de osy», – dep jazdy ánshi.
Sondai-aq Erke óz oqyrmandaryna da júrekjardy tilegin joldap, árbir qyz-kelinshekke qoldap-qýattaityn, qanat bitiretin ómirlik serik tiledi.
Ánshiniń aitýynsha, naǵyz er azamattyń qadiri onyń jasyna emes, jaýapkershiligine bailanysty. Ol ata-anasyna qurmet kórsetip, jaqyndaryna janashyr bolyp, otbasysyna qamqorlyq tanytyp, qoǵamda óz ornyn taba bilý er adamnyń sanasy men tárbiesine bailanysty ekenin atap ótti.
Jeli qoldanýshylary Erke men Raimnyń jarasymdy qarym-qatynasyna tánti bolyp, jupqa baqyt pen baiandy ǵumyr tiledi.
