Qasym-Jomart Toqaev Túrkiia Prezidenti Rejep Taiyp Erdoǵanǵa túrki áleminiń eń joǵarǵy ordenin tabystaý týraly bastama kótergenin aitty - dep habarlaidy "Ult aqparat".
"Bizdiń birligimiz jyl ótken saiyn nyǵaiyp keledi. Sonyń arqasynda Túrki áleminiń halyqaralyq arenadaǵy saiasi salmaǵy edáýir artty.
Túrkiia Respýblikasynyń Prezidenti, Joǵary Mártebeli Rejep Taiip Erdoǵan bir jyl boiy Túrki memleketteri uiymynyń tóraǵasy mindetin atqardy. Osy ýaqyt ishinde uiymnyń mártebesin kóterip, yqpalyn nyǵaitýǵa zor úles qosty. Sol úshin baýyrym - Rejep myrzaǵa alǵys aitamyn.
Respýblika atanǵanyna kelesi jyly bir ǵasyr bolatyn baýyrlas Túrkiia eli ózara yntymaqtastyǵymyzdy nyǵaitýǵa zor úles qosa beredi dep senemin. Osy oraida, men qurmetti Rejep beidi "Túrki áleminiń eń joǵarǵy ordenimen" marapattaý týraly bastama kóterdim. Bul usynysym biraýyzdan qoldaý tapty. Sol úshin barshańyzǵa rizashylyǵymdy bildiremin, - dedi Toqaev Túrki memleketteri uiymynyń sammiti barysynda.
