قاسىم-جومارت توقاەۆ تٷركييا پرەزيدەنتٸ رەجەپ تايىپ ەردوعانعا تٷركٸ ەلەمٸنٸڭ ەڭ جوعارعى وردەنٸن تابىستاۋ تۋرالى باستاما كٶتەرگەنٸن ايتتى - دەپ حابارلايدى "ۇلت اقپارات".
"بٸزدٸڭ بٸرلٸگٸمٸز جىل ٶتكەن سايىن نىعايىپ كەلەدٸ. سونىڭ ارقاسىندا تٷركٸ ەلەمٸنٸڭ حالىقارالىق ارەناداعى ساياسي سالماعى ەدەۋٸر ارتتى.
تٷركييا رەسپۋبليكاسىنىڭ پرەزيدەنتٸ, جوعارى مەرتەبەلٸ رەجەپ تاييپ ەردوعان بٸر جىل بويى تٷركٸ مەملەكەتتەرٸ ۇيىمىنىڭ تٶراعاسى مٸندەتٸن اتقاردى. وسى ۋاقىت ٸشٸندە ۇيىمنىڭ مەرتەبەسٸن كٶتەرٸپ, ىقپالىن نىعايتۋعا زور ٷلەس قوستى. سول ٷشٸن باۋىرىم - رەجەپ مىرزاعا العىس ايتامىن.
رەسپۋبليكا اتانعانىنا كەلەسٸ جىلى بٸر عاسىر بولاتىن باۋىرلاس تٷركييا ەلٸ ٶزارا ىنتىماقتاستىعىمىزدى نىعايتۋعا زور ٷلەس قوسا بەرەدٸ دەپ سەنەمٸن. وسى ورايدا, مەن قۇرمەتتٸ رەجەپ بەيدٸ "تٷركٸ ەلەمٸنٸڭ ەڭ جوعارعى وردەنٸمەن" ماراپاتتاۋ تۋرالى باستاما كٶتەردٸم. بۇل ۇسىنىسىم بٸراۋىزدان قولداۋ تاپتى. سول ٷشٸن بارشاڭىزعا ريزاشىلىعىمدى بٸلدٸرەمٸن, - دەدٸ توقاەۆ تٷركٸ مەملەكەتتەرٸ ۇيىمىنىڭ سامميتٸ بارىسىندا.
