Foto: tccb.gov.tr
Túrkiia kóshbasshysy Rejep Taiyp Erdoǵan men Resei prezidenti Vladimir Pýtin Astanada kezdesti, - dep habarlaidy "Ult aqparat" Massaget.kz portalyna silteme jasap.
Pýtin Erdoǵannyń tamyzda Sochige jasaǵan sapary barysynda qol jetkizilgen barlyq kelisim oryndalatynyn atap ótti. Onyń aitýynsha, bul investitsiialyq protseske, "Aqqý" atom elektr stantsiiasynyń qurylysyna qatysty.
"Eger Túrkiia jáne basqa elderdegi satyp alýshylarymyz qyzyǵýshylyq tanytsa, taǵy bir gaz qubyry júiesin salyp, basqa elderge, eń aldymen, árine eýropalyqtarǵa satý úshin Túrkiia aýmaǵynda gaz habyn qurýdy qarastyrýǵa bolady.
Birge quratyn osy habtyń jumysy tek jetkizilim alańy ǵana emes, sonymen qatar, baǵany anyqtaý alańy bolar edi, óitkeni baǵa máselesi - óte mańyzdy másele. Búginde bul baǵa sharyqtap ketti, ony eshqandai saiasi boiaýsyz qalypty naryq deńgeiinde tynysh rettei alar edik", - dedi Pýtin.
Al Erdoǵan Túrkiia Ystambul kelisimin jalǵastyrýǵa jáne nyǵaitýǵa, sondai-aq, reseilik azyq-túlik pen tyńaitqyshtardy Túrkiia arqyly tómen damyǵan elderge tasymaldaýǵa daiyn ekenin aitty.
"Astyq týraly kelisimdi nyǵaitýdy jalǵastyrýymyz kerek. Túrkiia men Reseidiń bul protsestegi qadamdary belgili bir toptardy alańdatsa da, olar tómen damyǵan elderdi qýantady", - dedi Erdoǵan.
Túrik buqaralyq aqparat quraldary málimetinshe, Erdoǵan men Pýtinniń kelissózi 1,5 saǵatqa sozylǵan.
