فوتو: tccb.gov.tr
تٷركييا كٶشباسشىسى رەجەپ تايىپ ەردوعان مەن رەسەي پرەزيدەنتٸ ۆلاديمير پۋتين استانادا كەزدەستٸ, - دەپ حابارلايدى "ۇلت اقپارات" Massaget.kz پورتالىنا سٸلتەمە جاساپ.
پۋتين ەردوعاننىڭ تامىزدا سوچيگە جاساعان ساپارى بارىسىندا قول جەتكٸزٸلگەن بارلىق كەلٸسٸم ورىندالاتىنىن اتاپ ٶتتٸ. ونىڭ ايتۋىنشا, بۇل ينۆەستيتسييالىق پروتسەسكە, "اققۋ" اتوم ەلەكتر ستانتسيياسىنىڭ قۇرىلىسىنا قاتىستى.
"ەگەر تٷركييا جەنە باسقا ەلدەردەگٸ ساتىپ الۋشىلارىمىز قىزىعۋشىلىق تانىتسا, تاعى بٸر گاز قۇبىرى جٷيەسٸن سالىپ, باسقا ەلدەرگە, ەڭ الدىمەن, ەرينە ەۋروپالىقتارعا ساتۋ ٷشٸن تٷركييا اۋماعىندا گاز حابىن قۇرۋدى قاراستىرۋعا بولادى.
بٸرگە قۇراتىن وسى حابتىڭ جۇمىسى تەك جەتكٸزٸلٸم الاڭى عانا ەمەس, سونىمەن قاتار, باعانى انىقتاۋ الاڭى بولار ەدٸ, ٶيتكەنٸ باعا مەسەلەسٸ - ٶتە ماڭىزدى مەسەلە. بٷگٸندە بۇل باعا شارىقتاپ كەتتٸ, ونى ەشقانداي ساياسي بوياۋسىز قالىپتى نارىق دەڭگەيٸندە تىنىش رەتتەي الار ەدٸك", - دەدٸ پۋتين.
ال ەردوعان تٷركييا ىستامبۇل كەلٸسٸمٸن جالعاستىرۋعا جەنە نىعايتۋعا, سونداي-اق, رەسەيلٸك ازىق-تٷلٸك پەن تىڭايتقىشتاردى تٷركييا ارقىلى تٶمەن دامىعان ەلدەرگە تاسىمالداۋعا دايىن ەكەنٸن ايتتى.
"استىق تۋرالى كەلٸسٸمدٸ نىعايتۋدى جالعاستىرۋىمىز كەرەك. تٷركييا مەن رەسەيدٸڭ بۇل پروتسەستەگٸ قادامدارى بەلگٸلٸ بٸر توپتاردى الاڭداتسا دا, ولار تٶمەن دامىعان ەلدەردٸ قۋانتادى", - دەدٸ ەردوعان.
تٷرٸك بۇقارالىق اقپارات قۇرالدارى مەلٸمەتٸنشە, ەردوعان مەن پۋتيننٸڭ كەلٸسسٶزٸ 1,5 ساعاتقا سوزىلعان.
