Ulttyq ulannyń burynǵy áskeri qyzmetkeri Erbaian Muhtardyń otbasy onyń qaitys bolǵanynan keiin alǵash ret pikir bildirdi, dep habarlaidy ult.kz.
23 jastaǵy Erbaian Muhtar uzaq ýaqyt em qabyldaǵannan keiin Astanadaǵy Ulttyq shuǵyl meditsinany úilestirý ortalyǵynda kóz jumdy. Týystary buqaralyq aqparat quraldary ókilderin aýrýhanaǵa kelýge shaqyrǵan. Aǵasy Erbaiannyń aýrýhanada qaraýsyz qalǵanyn, oǵan dálelderi de baryn aityp ótti.
Densaýlyq saqtaý ministrliginiń málimetinshe, Erbaian Muhtarda negizgi aýyr syrqatynyń aiasynda infektsiialyq asqynýlar, sepsis jáne kóp aǵzalyq jetkiliksizdik damyǵan.
«2026 jylǵy 23 maýsym kúni saǵat 21:40-ta patsienttiń biologiialyq ólimi tirkeldi. Ólimniń tikelei sebebi – aýyr bas-mi jaraqatynyń saldarynan jáne oǵan qosylǵan asqynýlardyń áserinen damyǵan kóp aǵzalyq jetkiliksizdik sindromy», – delingen habarlamada.
Patsient eń zamanaýi meditsinalyq quraldarmen jabdyqtalǵan palatada jatqan. Oǵan zamanaýi dárilik terapiia júrgizilip, arnaiy kútim jaǵdailary jasalǵan.
Meditsinalyq qyzmetkerler emdeý men kútimniń tolyq kólemin qamtamasyz etip, naýqastyń týystarynyń palataǵa kirýine múmkindik bergen.
