Ulttyq ulan qatarynda boryshyn ótep júrip aýyr jaraqat alǵan Erbaian Muhtar kóz jumdy. Qaraly habar tikelei efir kezinde belgili boldy, dep habarlaidy ult.kz.
Buǵan deiin sarbazdyń jaǵdaiy kúrt nasharlap, shuǵyl meditsina ortalyǵyna túskeni habarlanǵan bolatyn. Túrkiiadaǵy uzaq emnen keiin beti beri qaraǵanymen, keiin densaýlyǵy qaita syr bergen.
Eske salsaq, Erbaian 2023 jyldyń sońynda áskeri bólimde aýyr bas mi jaraqatyn alyp, komaǵa túsken. Áskeriler ony ájethanada qulap ketti dep málimdegenimen, týystary buǵan senbedi. Almatydaǵy aýrýhanada esin jiǵan sarbaz ózin soqqyǵa jyqqanyn ymmen túsindirgen edi, alaida kezekti otadan soń ol qaitadan komaǵa tústi.
Qazaqstandyqtar onyń sheteldegi emine 220 million teńgeden astam qarajat jinap berip, sarbaz 2024 jyldyń kúzinde Túrkiiaǵa ońaltýǵa barǵan.
