ۇلتتىق ۇلان قاتارىندا بورىشىن ٶتەپ جٷرٸپ اۋىر جاراقات العان ەربايان مۇحتار كٶز جۇمدى. قارالى حابار تٸكەلەي ەفير كەزٸندە بەلگٸلٸ بولدى, دەپ حابارلايدى ult.kz.
بۇعان دەيٸن ساربازدىڭ جاعدايى كٷرت ناشارلاپ, شۇعىل مەديتسينا ورتالىعىنا تٷسكەنٸ حابارلانعان بولاتىن. تٷركيياداعى ۇزاق ەمنەن كەيٸن بەتٸ بەرٸ قاراعانىمەن, كەيٸن دەنساۋلىعى قايتا سىر بەرگەن.
ەسكە سالساق, ەربايان 2023 جىلدىڭ سوڭىندا ەسكەري بٶلٸمدە اۋىر باس مي جاراقاتىن الىپ, كوماعا تٷسكەن. ەسكەريلەر ونى ەجەتحانادا قۇلاپ كەتتٸ دەپ مەلٸمدەگەنٸمەن, تۋىستارى بۇعان سەنبەدٸ. الماتىداعى اۋرۋحانادا ەسٸن جيعان سارباز ٶزٸن سوققىعا جىققانىن ىممەن تٷسٸندٸرگەن ەدٸ, الايدا كەزەكتٸ وتادان سوڭ ول قايتادان كوماعا تٷستٸ.
قازاقستاندىقتار ونىڭ شەتەلدەگٸ ەمٸنە 220 ميلليون تەڭگەدەن استام قاراجات جيناپ بەرٸپ, سارباز 2024 جىلدىڭ كٷزٸندە تٷركيياعا وڭالتۋعا بارعان.
