Túrkiiada Hatidje Ialmannyń qaza bolardan shamamen eki saǵat buryn dúkende júrgen sáti túsirilgen beinejazba áleýmettik jelide tarady, dep habarlaidy ult.kz.
Beinekadrlarda áieldiń serigi Mýstafa Koch saýda jasap jatqanda onyń janynda únsiz turǵany kórinedi. Hatidje kóz jasyn súrtip, qolymen jasyryn túrde kómek suraǵan belgi kórsetken. Bul isharada bas barmaq alaqanǵa búgilip, qalǵan saýsaqtar onyń ústinen jumylady.
Video taraǵannan keiin áleýmettik jelide jábirlenýshiniń áreketine qatysty túrli pikir aityldy. Keibir qoldanýshylar «nege aiqailamady?», «nege qashpady?» degen suraqtar qoiǵan.
Alaida mamandardyń aitýynsha, adam qatty qorqynysh nemese zorlyq jaǵdaiynda ártúrli reaktsiia kórsetýi múmkin. Keibir jábirlenýshiler qarsylyq bildirip, qashýǵa tyryssa, endi biri eseńgirep, qozǵala almai nemese kómek surai almai qalýy yqtimal.
Hatidje Ialmannyń ólimine qatysty is boiynsha onyń serigi Mýstafa Koch áieldi taspen uryp óltirgen. Er adam bastapqyda politsiiaǵa bul oqiǵany jol-kólik apaty retinde kórsetken. Alaida dárigerler áieldiń denesindegi jaraqattardyń aitylǵan nusqaǵa sáikes kelmeitinin anyqtaǵan. Keiin oqiǵa ornynan shamamen 400 metr jerden qan izderi bar tastar tabylǵan.
2026 jyldyń naýryzynda Mýstafa Koch ómir boiyna bas bostandyǵynan aiyryldy.
Hatidje qaitys bolǵan kezde 30 jastan endi asqan edi. Al dúkendegi beinejazba onyń óliminen birneshe ai ótken soń ǵana jariialanǵan.
