تٷركييادا حاتيدجە يالماننىڭ قازا بولاردان شامامەن ەكٸ ساعات بۇرىن دٷكەندە جٷرگەن سەتٸ تٷسٸرٸلگەن بەينەجازبا ەلەۋمەتتٸك جەلٸدە تارادى, دەپ حابارلايدى ult.kz.
بەينەكادرلاردا ەيەلدٸڭ سەرٸگٸ مۋستافا كوچ ساۋدا جاساپ جاتقاندا ونىڭ جانىندا ٷنسٸز تۇرعانى كٶرٸنەدٸ. حاتيدجە كٶز جاسىن سٷرتٸپ, قولىمەن جاسىرىن تٷردە كٶمەك سۇراعان بەلگٸ كٶرسەتكەن. بۇل يشارادا باس بارماق الاقانعا بٷگٸلٸپ, قالعان ساۋساقتار ونىڭ ٷستٸنەن جۇمىلادى.
ۆيدەو تاراعاننان كەيٸن ەلەۋمەتتٸك جەلٸدە جەبٸرلەنۋشٸنٸڭ ەرەكەتٸنە قاتىستى تٷرلٸ پٸكٸر ايتىلدى. كەيبٸر قولدانۋشىلار «نەگە ايقايلامادى?», «نەگە قاشپادى?» دەگەن سۇراقتار قويعان.
الايدا مامانداردىڭ ايتۋىنشا, ادام قاتتى قورقىنىش نەمەسە زورلىق جاعدايىندا ەرتٷرلٸ رەاكتسييا كٶرسەتۋٸ مٷمكٸن. كەيبٸر جەبٸرلەنۋشٸلەر قارسىلىق بٸلدٸرٸپ, قاشۋعا تىرىسسا, ەندٸ بٸرٸ ەسەڭگٸرەپ, قوزعالا الماي نەمەسە كٶمەك سۇراي الماي قالۋى ىقتيمال.
حاتيدجە يالماننىڭ ٶلٸمٸنە قاتىستى ٸس بويىنشا ونىڭ سەرٸگٸ مۋستافا كوچ ەيەلدٸ تاسپەن ۇرىپ ٶلتٸرگەن. ەر ادام باستاپقىدا پوليتسيياعا بۇل وقيعانى جول-كٶلٸك اپاتى رەتٸندە كٶرسەتكەن. الايدا دەرٸگەرلەر ەيەلدٸڭ دەنەسٸندەگٸ جاراقاتتاردىڭ ايتىلعان نۇسقاعا سەيكەس كەلمەيتٸنٸن انىقتاعان. كەيٸن وقيعا ورنىنان شامامەن 400 مەتر جەردەن قان ٸزدەرٸ بار تاستار تابىلعان.
2026 جىلدىڭ ناۋرىزىندا مۋستافا كوچ ٶمٸر بويىنا باس بوستاندىعىنان ايىرىلدى.
حاتيدجە قايتىس بولعان كەزدە 30 جاستان ەندٸ اسقان ەدٸ. ال دٷكەندەگٸ بەينەجازبا ونىڭ ٶلٸمٸنەن بٸرنەشە اي ٶتكەن سوڭ عانا جارييالانعان.
