AQSh-tyń Michigan shtatynda bir otbasynyń segiz múshesi qaza tapqan qaiǵyly oqiǵa boldy. Politsiianyń málimetinshe, er adam áielin jáne alty balasyn atyp óltirip, keiin úidi órtep, ózi de sýitsid jasaǵan, dep habarlaidy ult.kz.
Oqiǵa 24 shildede Grand-Heiven qalashyǵynda bolǵan. Qutqarýshylar úidegi órt týraly habarlama alǵannan keiin oqiǵa ornyna barǵan. Úidiń ishinen segiz adamnyń denesi tabylǵan. Qaza bolǵandardyń arasynda 39 jastaǵy Amanda Karolkevich, onyń 47 jastaǵy kúieýi Kristofer Karolkevich jáne olardyń alty balasy bolǵan.
Balalardyń jasy 5 pen 15 jas aralyǵynda bolǵan. Olardyń tórteýi erli-zaiyptylardyń týǵan balalary, al eki qyz asyrap alynǵan balalar ekeni anyqtalǵan.
Alǵashynda politsiia úidegi órtti kúdikti dep baǵalap, qaza bolǵandardyń keibirinde oq jaraqaty baryn habarlaǵan. Keiin júrgizilgen sot-meditsinalyq saraptama nátijesinde otbasynyń barlyq múshesi atys qarýynan alǵan jaraqattan qaza bolǵany anyqtaldy.
Tergeýshilerdiń málimetinshe, Kristofer aldymen áielin jáne balalaryn atyp óltirgen. Sodan keiin úidiń birneshe jerinde ádeii órt shyǵarǵan. Keiin er adam ózine qol jumsaǵan. Politsiia syrttan kelgen basqa kúdiktini izdemegen
Marqum Amanda Karolkevichtiń jaqyndary ony otbasyna berilgen ana ári balalarǵa qamqor ustaz retinde eske aldy. Qaiǵyly jaǵdaidan keiin jergilikti turǵyndar otbasynyń úiiniń aldyna gúlder, oiynshyqtar men estelik zattar qoiyp, marqumdardy eske alǵan.
Qazirgi tańda tergeýshiler qylmystyń naqty sebebin anyqtaýǵa tyrysyp jatyr. Politsiia bul oqiǵany otbasyn joiýǵa baǵyttalǵan kisi óltirý jáne sýitsid retinde qarastyryp otyr.
