اقش-تىڭ ميچيگان شتاتىندا بٸر وتباسىنىڭ سەگٸز مٷشەسٸ قازا تاپقان قايعىلى وقيعا بولدى. پوليتسييانىڭ مەلٸمەتٸنشە, ەر ادام ەيەلٸن جەنە التى بالاسىن اتىپ ٶلتٸرٸپ, كەيٸن ٷيدٸ ٶرتەپ, ٶزٸ دە سۋيتسيد جاساعان, دەپ حابارلايدى ult.kz.
وقيعا 24 شٸلدەدە گراند-حەيۆەن قالاشىعىندا بولعان. قۇتقارۋشىلار ٷيدەگٸ ٶرت تۋرالى حابارلاما العاننان كەيٸن وقيعا ورنىنا بارعان. ٷيدٸڭ ٸشٸنەن سەگٸز ادامنىڭ دەنەسٸ تابىلعان. قازا بولعانداردىڭ اراسىندا 39 جاستاعى اماندا كارولكەۆيچ, ونىڭ 47 جاستاعى كٷيەۋٸ كريستوفەر كارولكەۆيچ جەنە ولاردىڭ التى بالاسى بولعان.
بالالاردىڭ جاسى 5 پەن 15 جاس ارالىعىندا بولعان. ولاردىڭ تٶرتەۋٸ ەرلٸ-زايىپتىلاردىڭ تۋعان بالالارى, ال ەكٸ قىز اسىراپ الىنعان بالالار ەكەنٸ انىقتالعان.
العاشىندا پوليتسييا ٷيدەگٸ ٶرتتٸ كٷدٸكتٸ دەپ باعالاپ, قازا بولعانداردىڭ كەيبٸرٸندە وق جاراقاتى بارىن حابارلاعان. كەيٸن جٷرگٸزٸلگەن سوت-مەديتسينالىق ساراپتاما نەتيجەسٸندە وتباسىنىڭ بارلىق مٷشەسٸ اتىس قارۋىنان العان جاراقاتتان قازا بولعانى انىقتالدى.
تەرگەۋشٸلەردٸڭ مەلٸمەتٸنشە, كريستوفەر الدىمەن ەيەلٸن جەنە بالالارىن اتىپ ٶلتٸرگەن. سودان كەيٸن ٷيدٸڭ بٸرنەشە جەرٸندە ەدەيٸ ٶرت شىعارعان. كەيٸن ەر ادام ٶزٸنە قول جۇمساعان. پوليتسييا سىرتتان كەلگەن باسقا كٷدٸكتٸنٸ ٸزدەمەگەن
مارقۇم اماندا كارولكەۆيچتٸڭ جاقىندارى ونى وتباسىنا بەرٸلگەن انا ەرٸ بالالارعا قامقور ۇستاز رەتٸندە ەسكە الدى. قايعىلى جاعدايدان كەيٸن جەرگٸلٸكتٸ تۇرعىندار وتباسىنىڭ ٷيٸنٸڭ الدىنا گٷلدەر, ويىنشىقتار مەن ەستەلٸك زاتتار قويىپ, مارقۇمداردى ەسكە العان.
قازٸرگٸ تاڭدا تەرگەۋشٸلەر قىلمىستىڭ ناقتى سەبەبٸن انىقتاۋعا تىرىسىپ جاتىر. پوليتسييا بۇل وقيعانى وتباسىن جويۋعا باعىتتالعان كٸسٸ ٶلتٸرۋ جەنە سۋيتسيد رەتٸندە قاراستىرىپ وتىر.
