Foto: ashyq derekkóz
Eýropalyq Odaqtyń Ýkraina boiynsha beibit josparynyń tolyq mátini jariialandy. Qujat búgin Jenevada aiaqtalǵan Vashington men Kiev arasyndaǵy beibit kelissózderdi úilestirý jónindegi kezdesýmen tuspa-tus shyqty, dep habarlaidy Ult.kz.
Britandyq The Telegraph gazeti AQSh prezidenti Donald Tramptyń usynysyna jaýap retinde daiyndalǵan EO-nyń 24 tarmaqtan turatyn beibit josparyn jariialady.
EO Resei men Ýkrainany qurlyqta, áýede jáne teńizde atysty tolyq toqtatýǵa jáne bul rejimniń oryndalýyn baqylaý úshin úshinshi elderdi tartýǵa shaqyrady. Baqylaý protsesin AQSh jetekshiligindegi Ýkraina odaqtastary qashyqtan — spýtnikter men drondar arqyly júrgizýi usynylǵan.
Josparda Máskeý men Kievke tutqyndardy “bárin bárine” qaǵidasy boiynsha tolyq aiyrbastaý, sondai-aq Reseidiń qamaýda otyrǵan barlyq beibit turǵyndardy bosatýy qajet ekeni kórsetilgen.
Territoriialyq máseleler boiynsha kelissózder tek atysty tolyq toqtatqannan keiin jáne qazirgi soǵys shebi boiymen júrgiziledi.
Qujatta Ýkrainaǵa AQSh-ty da qamtityn, NATO Jarǵysynyń 5-babyna uqsas zańdyq turǵyda bekitilgen qaýipsizdik kepildikteri qarastyrylǵan. Bul kepildikterdi Eýropanyń birneshe eli jáne múddeli memleketterden turatyn arnaiy top qamtamasyz etedi. Ýkraina odaqtas kúshterdi óz aýmaǵynda ornalastyrý quqyǵyna ie bolady.
Sonymen qatar, jospar Ýkrainaǵa:
-
EO-ǵa múshe bolý,
-
NATO-ǵa kirý — alians elderiniń tolyq kelisimi bolǵan jaǵdaida,
-
AQSh-tyń qatysýymen Zaporoje AES jáne Kahovka SES nysandaryn baqylaýyna qaitarý múmkindigin beredi. Bul úshin arnaiy baqylaýdy berý mehanizmi jasalady.
EO jospary Ýkrainaǵa tolyq qalpyna keltirý jáne qarjylai ótemaqy berýdi kózdeidi, onyń ishinde Resei aktivteri esebinen. Muzdatylǵan aktivter Resei keltirgen ziian tolyq ótelgenge deiin bosatylmaidy.
Sonymen birge, Reseige salynǵan sanktsiialar turaqty beibitshilik ornaǵannan keiin birtindep jeńildetilýi, al kelisim buzylǵan jaǵdaida qaita engizilýi múmkin.
Aita keteiik, Qazaqstan prezidenti Qasym-Jomart Toqaev Tramptyń Ýkraina jónindegi josparyn qoldady.
