فوتو: اشىق دەرەككٶز
ەۋروپالىق وداقتىڭ ۋكراينا بويىنشا بەيبٸت جوسپارىنىڭ تولىق مەتٸنٸ جارييالاندى. قۇجات بٷگٸن جەنەۆادا اياقتالعان ۆاشينگتون مەن كيەۆ اراسىنداعى بەيبٸت كەلٸسسٶزدەردٸ ٷيلەستٸرۋ جٶنٸندەگٸ كەزدەسۋمەن تۇسپا-تۇس شىقتى, دەپ حابارلايدى Ult.kz.
بريتاندىق The Telegraph گازەتٸ اقش پرەزيدەنتٸ دونالد ترامپتىڭ ۇسىنىسىنا جاۋاپ رەتٸندە دايىندالعان ەو-نىڭ 24 تارماقتان تۇراتىن بەيبٸت جوسپارىن جارييالادى.
ەو رەسەي مەن ۋكراينانى قۇرلىقتا, ەۋەدە جەنە تەڭٸزدە اتىستى تولىق توقتاتۋعا جەنە بۇل رەجيمنٸڭ ورىندالۋىن باقىلاۋ ٷشٸن ٷشٸنشٸ ەلدەردٸ تارتۋعا شاقىرادى. باقىلاۋ پروتسەسٸن اقش جەتەكشٸلٸگٸندەگٸ ۋكراينا وداقتاستارى قاشىقتان — سپۋتنيكتەر مەن دروندار ارقىلى جٷرگٸزۋٸ ۇسىنىلعان.
جوسپاردا مەسكەۋ مەن كيەۆكە تۇتقىنداردى “بەرٸن بەرٸنە” قاعيداسى بويىنشا تولىق ايىرباستاۋ, سونداي-اق رەسەيدٸڭ قاماۋدا وتىرعان بارلىق بەيبٸت تۇرعىنداردى بوساتۋى قاجەت ەكەنٸ كٶرسەتٸلگەن.
تەرريتورييالىق مەسەلەلەر بويىنشا كەلٸسسٶزدەر تەك اتىستى تولىق توقتاتقاننان كەيٸن جەنە قازٸرگٸ سوعىس شەبٸ بويىمەن جٷرگٸزٸلەدٸ.
قۇجاتتا ۋكرايناعا اقش-تى دا قامتيتىن, ناتو جارعىسىنىڭ 5-بابىنا ۇقساس زاڭدىق تۇرعىدا بەكٸتٸلگەن قاۋٸپسٸزدٸك كەپٸلدٸكتەرٸ قاراستىرىلعان. بۇل كەپٸلدٸكتەردٸ ەۋروپانىڭ بٸرنەشە ەلٸ جەنە مٷددەلٸ مەملەكەتتەردەن تۇراتىن ارنايى توپ قامتاماسىز ەتەدٸ. ۋكراينا وداقتاس كٷشتەردٸ ٶز اۋماعىندا ورنالاستىرۋ قۇقىعىنا يە بولادى.
سونىمەن قاتار, جوسپار ۋكرايناعا:
-
ەو-عا مٷشە بولۋ,
-
ناتو-عا كٸرۋ — اليانس ەلدەرٸنٸڭ تولىق كەلٸسٸمٸ بولعان جاعدايدا,
-
اقش-تىڭ قاتىسۋىمەن زاپوروجە اەس جەنە كاحوۆكا سەس نىساندارىن باقىلاۋىنا قايتارۋ مٷمكٸندٸگٸن بەرەدٸ. بۇل ٷشٸن ارنايى باقىلاۋدى بەرۋ مەحانيزمٸ جاسالادى.
ەو جوسپارى ۋكرايناعا تولىق قالپىنا كەلتٸرۋ جەنە قارجىلاي ٶتەماقى بەرۋدٸ كٶزدەيدٸ, ونىڭ ٸشٸندە رەسەي اكتيۆتەرٸ ەسەبٸنەن. مۇزداتىلعان اكتيۆتەر رەسەي كەلتٸرگەن زييان تولىق ٶتەلگەنگە دەيٸن بوساتىلمايدى.
سونىمەن بٸرگە, رەسەيگە سالىنعان سانكتسييالار تۇراقتى بەيبٸتشٸلٸك ورناعاننان كەيٸن بٸرتٸندەپ جەڭٸلدەتٸلۋٸ, ال كەلٸسٸم بۇزىلعان جاعدايدا قايتا ەنگٸزٸلۋٸ مٷمكٸن.
ايتا كەتەيٸك, قازاقستان پرەزيدەنتٸ قاسىم-جومارت توقاەۆ ترامپتىڭ ۋكراينا جٶنٸندەگٸ جوسپارىن قولدادى.
