Eýropa komissiiasy qazaqstandyq áýe kompaniialarynyń Eýropaǵa ushýyna salǵan tyiymyn joidy, - dep habarlady Qazaqstannyń azamattyq aviatsiia komiteti.
Eýropa Odaǵynyń ushý qaýipsizdigi tizimin Eýropa komissiiasy áýe keńistigi qaýipsizdigin qamtamasyz etý maqsatynda túzedi. 8 jeltoqsanǵa deiin bul tizimde "Eir Astanadan" ózge barlyq qazaqstandyq áýe kompaniialary kirgen edi. "Halyqaralyq talaptarǵa sai kelmeitin kompaniialardyń tizimi jańartylǵan soń qazaqstandyq barlyq áýe tasymaldaýshylary bul tizimnen shyǵaryldy" delingen komissiia saityndaǵy habarlamada.
Tizimdi jańartaý týraly sheshim Eýrpoa komissiiasynyń 22-24 qarasha aralyǵynda ushý qaýipsizdigi jónindegi komitetiniń otyrysyna qatysqan sarapshylardyń tujyrymy boiynsha qabyldanǵan.
Qazaqstandyq áýe kompaniialary Eýropa komissiiasynyń qara tizimine birinshi ret 2009 jyly engizilgen. 2014 jyly jeltoqsanda Eýropa komissiiasy "Eir Astanadan" ózge barlyq qazaqstandyq áýe kompaniialarynyń Eýropa áýe keńistiginde ushýyna tyiym salǵan.
.jpeg)