ەۋروپا كوميسسيياسى قازاقستاندىق ەۋە كومپانييالارىنىڭ ەۋروپاعا ۇشۋىنا سالعان تىيىمىن جويدى, - دەپ حابارلادى قازاقستاننىڭ ازاماتتىق اۆياتسييا كوميتەتٸ.
ەۋروپا وداعىنىڭ ۇشۋ قاۋٸپسٸزدٸگٸ تٸزٸمٸن ەۋروپا كوميسسيياسى ەۋە كەڭٸستٸگٸ قاۋٸپسٸزدٸگٸن قامتاماسىز ەتۋ ماقساتىندا تٷزەدٸ. 8 جەلتوقسانعا دەيٸن بۇل تٸزٸمدە "ەير استانادان" ٶزگە بارلىق قازاقستاندىق ەۋە كومپانييالارى كٸرگەن ەدٸ. "حالىقارالىق تالاپتارعا ساي كەلمەيتٸن كومپانييالاردىڭ تٸزٸمٸ جاڭارتىلعان سوڭ قازاقستاندىق بارلىق ەۋە تاسىمالداۋشىلارى بۇل تٸزٸمنەن شىعارىلدى" دەلٸنگەن كوميسسييا سايتىنداعى حابارلامادا.
تٸزٸمدٸ جاڭارتاۋ تۋرالى شەشٸم ەۋرپوا كوميسسيياسىنىڭ 22-24 قاراشا ارالىعىندا ۇشۋ قاۋٸپسٸزدٸگٸ جٶنٸندەگٸ كوميتەتٸنٸڭ وتىرىسىنا قاتىسقان ساراپشىلاردىڭ تۇجىرىمى بويىنشا قابىلدانعان.
قازاقستاندىق ەۋە كومپانييالارى ەۋروپا كوميسسيياسىنىڭ قارا تٸزٸمٸنە بٸرٸنشٸ رەت 2009 جىلى ەنگٸزٸلگەن. 2014 جىلى جەلتوقساندا ەۋروپا كوميسسيياسى "ەير استانادان" ٶزگە بارلىق قازاقستاندىق ەۋە كومپانييالارىنىڭ ەۋروپا ەۋە كەڭٸستٸگٸندە ۇشۋىنا تىيىم سالعان.
.jpeg)