Foto: yandex.ru
Qazaqstannyń energetikalyq júiesiniń Soltústik, Ońtústik jáne Batys aimaqtarynda elektr energiiasyn tutynýǵa shekteýler engizilip, apattyq rejimi jariialandy, - dep habarlaidy "Ult aqparat" KEGOC baspasóz qyzmetine silteme jasap.
"Jeltoqsan aiynda Qazaqstannyń Birtutas elektr energetikasy júiesinde (BEJ) energiia tutyný kóleminiń aitarlyqtai ósýi baiqalady.
Máselen, 2022 jylǵy 7 jeltoqsanda qazaqstandyq energojúieniń tarihyndaǵy tutynýdyń eń joǵary kórsetkishi – 16 459 MVt tirkeldi, bul rette elimizdegi elektrstantsiialarynyń jiyntyq generatsiiasy tek 15 203 MVt qurady. Tapshylyq Resei energojúiesinen kelgen jospardan tys qýat aǵyny esebinen jabylyp otyrdy.
Osyndai joǵary júktemeler kezinde «KEGOC» AQ paidalanatyn Ulttyq elektr toraby shtattyq rejimde senimdi jumys istedi" - delingen habarlamada.
Elektr energiiasy men qýatqa degen qajettilikti jabý úshin generatsiianyń júieli jetispeýshiligi QR elektr stantsiialarynda jii qaitalanatyn apattyq jáne jospardan tys jóndeý saldarynan týyndap otyr.
"Eleýli teńgerimsizdik jaǵdaiynda júielik operator Qazaqstan BEJ-niń senimdi jumysyn qamtamasyz etý maqsatynda iri ónerkásiptik kásiporyndardyń elektr energiiasyn tutynýyna shekteý engize otyryp, qazaqstandyq energojúieniń Soltústik, Ońtústik, sondai-aq Batys aimaǵy boiynsha «apattyq» rejimin jariialaýǵa májbúr.
Bul rette júielik operator halyqtyń elektr energiiasyna qajettiligin tolyq qamtamasyz etýge basymdyq beredi" - delingen resmi habarlamada.
