فوتو: yandex.ru
قازاقستاننىڭ ەنەرگەتيكالىق جٷيەسٸنٸڭ سولتٷستٸك, وڭتٷستٸك جەنە باتىس ايماقتارىندا ەلەكتر ەنەرگيياسىن تۇتىنۋعا شەكتەۋلەر ەنگٸزٸلٸپ, اپاتتىق رەجيمٸ جارييالاندى, - دەپ حابارلايدى "ۇلت اقپارات" KEGOC باسپاسٶز قىزمەتٸنە سٸلتەمە جاساپ.
"جەلتوقسان ايىندا قازاقستاننىڭ بٸرتۇتاس ەلەكتر ەنەرگەتيكاسى جٷيەسٸندە (بەج) ەنەرگييا تۇتىنۋ كٶلەمٸنٸڭ ايتارلىقتاي ٶسۋٸ بايقالادى.
مەسەلەن, 2022 جىلعى 7 جەلتوقساندا قازاقستاندىق ەنەرگوجٷيەنٸڭ تاريحىنداعى تۇتىنۋدىڭ ەڭ جوعارى كٶرسەتكٸشٸ – 16 459 مۆت تٸركەلدٸ, بۇل رەتتە ەلٸمٸزدەگٸ ەلەكترستانتسييالارىنىڭ جيىنتىق گەنەراتسيياسى تەك 15 203 مۆت قۇرادى. تاپشىلىق رەسەي ەنەرگوجٷيەسٸنەن كەلگەن جوسپاردان تىس قۋات اعىنى ەسەبٸنەن جابىلىپ وتىردى.
وسىنداي جوعارى جٷكتەمەلەر كەزٸندە «KEGOC» اق پايدالاناتىن ۇلتتىق ەلەكتر تورابى شتاتتىق رەجيمدە سەنٸمدٸ جۇمىس ٸستەدٸ" - دەلٸنگەن حابارلامادا.
ەلەكتر ەنەرگيياسى مەن قۋاتقا دەگەن قاجەتتٸلٸكتٸ جابۋ ٷشٸن گەنەراتسييانىڭ جٷيەلٸ جەتٸسپەۋشٸلٸگٸ قر ەلەكتر ستانتسييالارىندا جيٸ قايتالاناتىن اپاتتىق جەنە جوسپاردان تىس جٶندەۋ سالدارىنان تۋىنداپ وتىر.
"ەلەۋلٸ تەڭگەرٸمسٸزدٸك جاعدايىندا جٷيەلٸك وپەراتور قازاقستان بەج-نٸڭ سەنٸمدٸ جۇمىسىن قامتاماسىز ەتۋ ماقساتىندا ٸرٸ ٶنەركەسٸپتٸك كەسٸپورىنداردىڭ ەلەكتر ەنەرگيياسىن تۇتىنۋىنا شەكتەۋ ەنگٸزە وتىرىپ, قازاقستاندىق ەنەرگوجٷيەنٸڭ سولتٷستٸك, وڭتٷستٸك, سونداي-اق باتىس ايماعى بويىنشا «اپاتتىق» رەجيمٸن جارييالاۋعا مەجبٷر.
بۇل رەتتە جٷيەلٸك وپەراتور حالىقتىڭ ەلەكتر ەنەرگيياسىنا قاجەتتٸلٸگٸن تولىق قامتاماسىز ەتۋگە باسىمدىق بەرەدٸ" - دەلٸنگەن رەسمي حابارلامادا.
